सजिलो पत्रिका
२०८२ माघ २३, शुक्रबार १३:१५
व्यवस्था बचाउ र वर्तमान संविधानको संरक्षणको कुरा चर्को रुपमा उठ्दा आसन्न प्रतिनिधि सभा निर्वाचनको प्रत्यक्षतर्फ १६५ सिटका लागि ६३ वटा राजनीतिक दल र स्वतन्त्र गरी तीन हजार ४०६ उम्मेदवार चुनावी मैदानमा छन् । तर, त्यसलाई समावेशीताको कसीमा तौलिने हो भने दलित समुदाय ६.८१ प्रतिशताम खुम्चिएको छ । जहाँ २३२ जना दलित उम्मेदवार चुनावी प्रतिस्पर्धामा छन् ।
प्रत्यक्षतर्फको उम्मेदवारी समावेशिताका हिसाबले सन्तोषजनक देखिँदैन । यद्यपि, २३२ जनाको संख्यालाई सानो भन्न नमिल्ने तर्क दलित नागरिक समाजको छ । दलित गैरसरकारी संस्था महासंघका अध्यक्ष जेबी विश्वकर्मा भन्छन्, “प्रमुख दलले दलितलाई एक/दुई ठाउँमा मात्र उम्मेदवारी दिने चेस्टा गरे । साना र नयाँ पार्टीले दलितलाई उम्मेदवार त बनाएका छन् तर प्रतिस्पर्धामा आउन सक्ने अवस्था कमजोर देखिन्छ ।”
डिग्निटी इनिसिएटिभको एक अध्ययन अनुसार प्रत्यक्षतर्फ विभिन्न दलका खसआर्य उम्मेदवार एक हजार ३२० (३८.७६ प्रतिशत) छन् । आदिवासी जनजातिका ८१३ अर्थात् २३.८७ प्रतिशत छन् । मधेशी ७७८ जना अर्थात् २२.८४ प्रतिशत छन् भने दलित २३२ जना अर्थात् ६.८१ प्रतिशत उम्मेदवार छन् । त्यस्तै थारू १४१ जना अर्थात् ४.१४ प्रतिशत र मुस्लिम १२२ जना अर्थात् ३.५८ प्रतिशत छन् । महिला उम्मेदवार ३८८ अर्थात् ११.३९ प्रतिशत रहेका छन् ।
नाम मात्रैका ठूला दलभन्दा नयाँ, साना र क्षेत्रीय दलबाट प्रत्यक्षमा दलित समुदायले बढी संख्यामा प्रतिस्पर्धा गर्दै छन् । विशेष महाधिवेशनबाट सुध्रिएको भनिएको नेपाली काँग्रेसबाट जम्मा एक जना दलित उम्मेदवार छन् । बझाङबाट कांग्रेस सहमहामन्त्री प्रकाश रसाइली ‘स्नेही’ चुनावी मैदानमा छन् । स्नेही नयाँ अनुहार पनि होइनन् । उनी प्रतिनिधि सभाका निवर्तमान सांसद हुन् ।
नेपाल कम्युनिष्ट पार्टी (एमाले)बाट दुई उम्मेदवार छन् । डडेलधुराबाट चक्रप्रसाद रसाइली ‘स्नेही’ र बर्दिया–२ बाट एमालेकी विमला विक उम्मेदवार छन् । विक पनि नयाँ अनुहार होइनन् । पूर्वराज्यमन्त्री हुन् । एमालेले बाँके–३ बाट दलबहादुर सुनार, बझाङबाट ओफीलाल ओखेडाको टिकट फिर्ता लिएको थियो ।
प्रचण्ड नेतृत्वको नेपाली कम्युनिष्ट पार्टीबाट तीन जनाले प्रतिस्पर्धा गर्दै छन् । स्याङग्जा–२ मा पदम विश्वकर्मा, कञ्चनपुर जिल्ला–३ मा मानबहादुर सुनार र काठमाडौँ–४ मा इन्द्र भुसाल उम्मेदवार छन् । मानबहादुर सुनार सुदूरपश्चिम प्रदेश सरकारका पूर्वराज्यमन्त्री हुन् ।
राष्ट्रिय स्वतन्त्र पार्टी(रास्वपा)ले पुराना दलले भन्दा पनि कम संख्यामा दलितलाई प्रत्यक्षतर्फको उम्मेदवार बनाएको छ । बाँके क्षेत्र–३ मा खगेन्द्र सुनारले उम्मेदवारी दिँदा इलाम–१ बाट रास्वपाका विमल गदालले उम्मेदवारी दिएका छन् ।
कांग्रेस, एमाले, नेकपा र रास्वपाका दलित उम्मेदवारभन्दा अन्य साना दलमा दलित उम्मेदवारको संख्या धेरै छ । जनता समाजवादी पार्टी, नेपालले सात जना दलित समुदायका व्यक्तिलाई प्रत्यक्ष उम्मेदवार बनाएको छ । राष्ट्रिय प्रजातन्त्र पार्टीले दुई जनालाई प्रत्यक्ष उम्मेदवार बनाएको छ । राप्रपाबाट बर्दिया–१ बाट वीरबहादुर कामी र सल्यानबाट अनिशा नेपाली चुनावी प्रतिस्पर्धामा छन् । राष्ट्रिय जनमोर्चाले तीन जना दलितलाई प्रत्यक्षतर्फको उम्मेदवार बनाएको छ ।
नेकपा माओवादीबाट २० जना, नेपाल मजदुर किसान पार्टीबाट पाँच जना, श्रम संस्कृति पार्टीबाट आठ जना, प्रगतिशील लोकतान्त्रिक पार्टीबाट पाँच जना, उज्यालो नेपाल पार्टीबाट चार जना, नागरिक उन्मुक्ति पार्टी र जनमत पार्टीबाट एकएक जनाले प्रत्यक्षतर्फ चुनावी प्रतिस्पर्धा गर्दै छन् ।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौं । वैदेशिक रोजगारसम्बन्धी कसुर मुद्दामा फरार रहेका दुई जना प्रतिवादीलाई प्रहरीले पक्राउ गरेको छ। पक्राउ पर्नेहरूमा रूकुम मुसिकोटका ४७ वर्षीय रामचन्द्र खड्का र रूकुम पूर्व पुथा उत्तरगङ्गाका ४८ वर्षीय पूर्णबहादुर मल्ल रहेका छन्।खड्कालाई काठमाडौँ उपत्यका अपराध अनुसन्धान कार्यालयको टोलीले ललितपुरको इमाडोलबाट पक्राउ गरेको हो। उनीविरुद्ध वैदेशिक रोजगार न्यायाधिकरणबाट गत
लोड भइरहेको छ...
Loading brands...
