मुगुमा निर्वाचन लक्षित संयुक्त सुरक्षा नमुना अभ्यास प्रदर्शन

सजिलो पत्रिका

२०८२ माघ २२, बिहिबार ०९:२१

उद्देश्य: फागुन २१ को प्रतिनिधिसभा निर्वाचन शान्तिपूर्ण, भयमुक्त र मर्यादित बनाउन मुगुमा संयुक्त सुरक्षा नमुना अभ्यास।
सहकार्य: नेपाली सेना, नेपाल प्रहरी, सशस्त्र प्रहरी र जिल्ला निर्वाचन कार्यालयको समन्वयमा एकीकृत सुरक्षा तालिम।
महत्त्व: मतदान केन्द्र सुरक्षा र सम्भावित निर्वाचनविरोधी गतिविधि नियन्त्रणका लागि अभ्यास उपयोगी हुने अपेक्षा।

समाचार सारांशGenerated using AI.

काठमाडौँ

फागुन २१ गते हुने प्रतिनिधिसभा निर्वाचनलाई शान्तिपूर्ण, भयमुक्त र मर्यादित रूपमा सम्पन्न गराउने उद्देश्यले मुगुमा निर्वाचन लक्षित संयुक्त सुरक्षा नमुना अभ्यास प्रदर्शन गरिएको छ ।

नेपाली सेनाको श्री हनुमानध्वज गुल्म, हुटु मुगुको आयोजनामा सदरमुकाम गमगढीस्थित श्री देवीदत्त गण (ख) गुल्म, सुसेमुमा सुरक्षा प्रदर्शन गरिएको हो। निर्वाचन अवधिमा एकीकृत सुरक्षा योजना प्रभावकारी रूपमा कार्यान्वयन गर्ने तथा जिल्लाको समग्र सुरक्षा व्यवस्थालाई थप सुदृढ बनाउने उद्देश्यसहित अभ्यास सञ्चालन गरिएको आयोजकले जनाएको छ।

जिल्लास्थित तीनवटै सुरक्षा निकाय—नेपाली सेना, नेपाल प्रहरी र सशस्त्र प्रहरी बल—तथा जिल्ला निर्वाचन कार्यालयको समन्वयमा एकीकृत सुरक्षा तालिम अन्तर्गत उक्त प्रदर्शन गरिएको हो। निर्वाचनका क्रममा हुन सक्ने विभिन्न निर्वाचनविरोधी गतिविधि नियन्त्रण गरी निष्पक्ष, शान्तिपूर्ण र भयमुक्त वातावरणमा मतदान सम्पन्न गराउने अभ्यास सुरक्षाकर्मीहरूले योजनाबद्ध रूपमा प्रस्तुत गरेका थिए।

मतदान केन्द्र सुरक्षामा नेपाली सेना, सशस्त्र प्रहरी र नेपाल प्रहरीको संयुक्त भूमिकाबारे पनि नमुना अभ्यासमार्फत जानकारी दिइएको श्री हनुमानध्वज गुल्म, हुटुका सेनानी खड्गबहादुर श्रेष्ठले बताए।

एकीकृत तालिमको अन्तिम दिन आयोजित सुरक्षा प्रदर्शन कार्यक्रममा प्रमुख जिल्ला अधिकारी खडानन्द खत्रीले निर्वाचन शान्तिपूर्ण बनाउन राजनीतिक दलहरू स्वयं पनि मर्यादित र जिम्मेवार हुनुपर्ने आवश्यकता औँल्याए । उनले निर्वाचनका क्रममा विभिन्न स्वरूपका घटना हुन सक्ने भएकाले त्यस्ता गतिविधि नियन्त्रणमा सुरक्षाकर्मीको भूमिका महत्वपूर्ण रहने उल्लेख गर्दै यस्ता अभ्यासले मतदान केन्द्रलाई सुरक्षित र व्यवस्थित रूपमा सञ्चालन गर्न सहयोग पुग्ने बताए।

यस सुरक्षा अभ्यासले फागुन २१ गते हुने प्रतिनिधिसभा निर्वाचनलाई सुरक्षित, व्यवस्थित र विश्वसनीय बनाउन महत्वपूर्ण योगदान पुग्ने अपेक्षा गरिएको छ।

यो समाचारमा

ट्यागहरू

#नेपाल प्रहरी #सशस्त्र प्रहरी #नेपाली सेना #मुगु #प्रतिनिधि #प्रतिनिधि सभा #प्रतिनिधिसभा निर्वाचन

यो खबर पढेर तपाईलाई कस्तो महसुस भयो ?

कुल मतदान: 0

सम्बन्धित समाचार

प्रतिनिधिसभामा सीमान्तकृतको कमजोर प्रतिनिधित्व

काठमाडौँप्रतिनिधिसभा सदस्यको निर्वाचनसँगै प्रत्यक्ष र समानुपातिकतर्फको नतिजा सार्वजनिक भएको छ । राष्ट्रिय स्वतन्त्र पार्टी पहिलो, नेपाली काँग्रेस दोस्रो, नेपाल कम्युनिष्ट पार्टी (एमाले) तेस्रो र नेपाली कम्युनिष्ट पार्टी (नेकपा) चौथो पार्टी बनेको छ । यस पटक सीमान्तृकत समुदायको उपस्थिति कमजोर देखिएको छ । प्रत्यक्षतर्फ १६५ मध्ये जम्मा १४ जना (८.४८ प्रतिशत) छ