सजिलो पत्रिका
२०८२ पुस २१, सोमबार २०:५२
काठमाडौँ
माघे संक्रान्ति अर्थात माघ १ गतेबाट प्रदर्शनमा आउने फिल्म ‘भाईरल गोर्खे’ को प्रचारप्रसारलाई तिब्र बनाइएको छ ।
सोमबार काठमाडौंमा पत्रकार भेटघाट कार्यक्रमको आयोजना गर्दै मुख्य भूमिकामा रहेको अभिनेता सौगात मल्ल र अभिनेत्री सृष्टि श्रेष्ठले फिल्म र आफ्नो पात्रको बारेमा जानकारी गराएका हुन् ।
सोही क्रममा अभिनेता मल्लले फिल्ममा एउटा सामान्य गोठालोको कथा रहेको बताए । उनले फिल्ममा गोरखा जिल्लालाई प्रवद्र्धन गर्ने खालको विषयवस्तुहरु पनि राखिएको बताए ।
उनले भने, ‘मेरो भूमिका एउटा गोठालोको रुपमा छ । दिनभर गाईभैंसी चराउछ । गोरखालाई प्रवद्र्धन गर्ने खालको विषयवस्तु राखिएको छ । त्यसमा पृथ्वी नारायण शाह त झन् महत्वपूर्ण नै भइहाल्यो ।’
साथै, अभिनेत्री सृष्टि श्रेष्ठले कमेडी फिल्म गर्न मन लागिरहेको बेला सुहाउँदो फिल्मको कुरा आएको हुनाले अभिनय गरेको बताइन् ।
फिल्मको पात्र आफ्नो वास्तविक पात्रको उल्टो भएको र रमाइलो केही फरक गर्नको लागि पनि फिल्ममा जोडिएको उनको भनाई छ ।
‘म वास्तविक जीवनमा टिकटक खासै चलाउदिन । तर फिल्ममा भने म टिकटक स्टार नै छु । अलिक फरक भूमिकामा छु,’ उनले भनिन् ।
सामाजिक सञ्जालमा भाइरल बन्न उद्दत एक साधारण पात्रको कथा फिल्ममा समेटिएको छ । निगम श्रेष्ठ निर्देशित य फिल्ममा सौगात मल्ल र अभिनेत्री सृष्टिको मुख्य अभिनय छ ।
एके ब्रदर कम्पनी, द जिएमआई एकेडेमी र निर्भाना फिल्म स्कुलको ब्यानरमा निर्मित फिल्ममा सौगात र सृष्टिसँगै बुद्धि तामाङ, लक्ष्मी गिरी, राजाराम पौडेल, ऋषि धमला रवि भुजेल र मिस पबीको अभिनय छ ।
यो खबर पढेर तपाईलाई कस्तो महसुस भयो ?
कुल मतदान: 0
लन्डन । बेलायतको क्याम्ब्रिज सहरमा नेपाली काव्य यात्रा सम्पन्न भएको छ । बेलायतको समकालीन साहित्य प्रतिष्ठानको आयोजनामा क्याम्ब्रिजको ऐतिहासिक ‘पार्कर्स पिस’मा भएको उक्त यात्रामा लन्डन र क्याम्ब्रिजमा बसोबास गर्दै आएका साहित्यकारहरु सहभागी थिए ।त्यस अवसरमा साहित्यकारहरु कृष्ण उपाध्याय, पोषेन्द्र सत्याल, लता गौतम, योगराज ढकाल, केशव पुडासैनी, चन्द्रमणि गौतम र कृष्ण
Loading brands...
