सजिलो पत्रिका
२०८२ पुस १४, सोमबार १४:३२
अमेरिकी राष्ट्रपति डोनाल्ड जोन ट्रम्प र युक्रेनी राष्ट्रपति भोलोदिमिर जेलेन्स्कीबीच फ्लोरिडामा भएको भेटवार्तामा युक्रेन युद्ध अन्त्यका विषयमा उल्लेखनीय प्रगति भएको दाबी गरिएको छ । तर ट्रम्पले अझै पनि “एक–दुई जटिल (thorny) मुद्दा” बाँकी रहेको बताएका छन् । दुबै नेताले वार्ता सकारात्मक भएको बताए पनि मुख्य अड्चनका रूपमा भू–भागसम्बन्धी विषय अझै समाधान हुन नसकेको उल्लेख गरे ।
जेलेन्स्कीका अनुसार २० बुँदे शान्ति योजनामध्ये करिब ९० प्रतिशतमा सहमति भइसकेको छ । ट्रम्पले भने युक्रेनका लागि सुरक्षा ग्यारेन्टी करिब ९५ प्रतिशत तयार भइसकेको दाबी गरे । यद्यपि, सुरक्षा ग्यारेन्टीमा अमेरिकी सैन्य उपस्थिति वा दीर्घकालीन सहयोगबारे स्पष्ट प्रतिबद्धता गरिएको छैन ।
रुसले सन् २०२२ फेब्रुअरीमा युक्रेनमाथि पूर्ण आक्रमण सुरु गरेयता हाल युक्रेनको करिब २० प्रतिशत भू–भाग नियन्त्रणमा लिएको छ । डोनबास क्षेत्रलाई निसैन्यीकृत क्षेत्र बनाउने प्रस्ताव अझै अनिर्णीत रहेको ट्रम्पले बताए । रुसले डोनबासमा बाँकी रहेको युक्रेनी नियन्त्रण क्षेत्रबाट पनि फिर्ता हुन दबाब दिइरहेको छ भने युक्रेनले त्यस क्षेत्रलाई युक्रेनी सुरक्षाबलद्वारा संरक्षित स्वतन्त्र आर्थिक क्षेत्र बनाउने प्रस्ताव अघि सारेको छ ।
वार्तापछि जेलेन्स्कीले आगामी हप्ता अमेरिकी र युक्रेनी टोलीबीच थप छलफल हुने जानकारी दिए । युरोपेली नेताहरूले पनि प्रगतिलाई स्वागत गर्दै युक्रेनका लागि “दृढ सुरक्षा ग्यारेन्टी” आवश्यक रहेको जोड दिएका छन् । फ्रान्सका राष्ट्रपति इमानुएल म्याक्रोंले जनवरीमा पेरिसमा युक्रेनका सहयोगी देशहरूको बैठक आयोजना हुने बताएका छन् ।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौं । जोर्डनस्थित अमेरिकी सैन्य अड्डामा भएको घातक आक्रमणको बदला लिन अमेरिकाले इरानको अर्धसैनिक बल ‘रिभोलुसनरी गार्ड’का रणनीतिक सैन्य संरचनाहरूमाथि आइतबार भीषण हवाई आक्रमण गरेको छ। यससँगै होर्मुज जलसन्धिलाई केन्द्रमा राखेर जारी अमेरिका–इरान तनावले थप उग्र रूप लिएको छ।अमेरिकी सेनाको ‘सेन्ट्रल कमान्ड’का अनुसार यो कारबाहीमा पहिलो पटक रिभोलुसनरी गार्डका संरचनालाई
Loading brands...
