सजिलो पत्रिका
२०८२ पुस ०७, सोमबार ०७:३३
काठमाडौँ ।
राष्ट्रिय स्वतन्त्र पार्टी (रास्वपा) ले आगामी फागुन २१ गतेको प्रतिनिधि सभा निर्वाचनमा ध्यान केन्द्रित गर्न सरकारसँग आग्रह गरेको छ । पार्टी सभापति रवि लामिछानेसहितका नेताहरूले शुक्रबार प्रधानमन्त्री सुशीला कार्कीलाई भेटेर यस्तो आग्रह गरेका हुन् ।
भेटमा रास्वपाका नेताहरूले सरकारका सबै गतिविधि चुनाव सम्पन्न गराउनमा केन्द्रित हुनुपर्नेमा जोड दिएका थिए । सभापति लामिछानेले आफ्नो पार्टी पूर्ण रूपमा निर्वाचनमा होमिएको र देशमा पुनः राजनीतिक संकट आउन नदिन सचेत रहेको बताए ।
जवाफमा प्रधानमन्त्री कार्कीले आफ्नो सम्पूर्ण ध्यान तोकिएकै समयमा चुनाव गराउनमा केन्द्रित रहेको स्पष्ट पारिन्।
रास्वपाका नेताहरूले 'जेनजी' आन्दोलनका क्रममा उठेका मागहरू सम्बोधन गर्न पनि सरकारको ध्यानाकर्षण गराएका थिए । भेटमा गृहमन्त्री ओमप्रकाश अर्याल र सञ्चारमन्त्री जगदीश खरेल तथा रास्वपाका उपसभापतिहरू डीपी अर्याल, स्वर्णिम वाग्ले, महामन्त्री कविन्द्र बुर्लाकोटी लगायतको उपस्थिति थियो ।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौं ।नेपाल कम्युनिष्ट पार्टी (एमाले) सुदूरपश्चिम प्रदेश संसदीय दलले नेपाली काँग्रेस नेतृत्वको प्रदेश सरकारलाई दिएको समर्थन फिर्ता लिने निर्णय गरेको छ। बुधबार बसेको संसदीय दलको बैठकले सोही दिन साँझ ५ बजेदेखि लागू हुने गरी सरकारप्रतिको समर्थन फिर्ता लिने निर्णय गरेको दलका नेता राजेन्द्रसिंह रावलले जानकारी दिए।आर्थिक वर्ष २०८३/८४ को बजेट
Loading brands...
