सजिलो पत्रिका
२०८२ मंसिर २९, सोमबार १४:५१
काठमाडौँ
काठमाडौँ महानगरपालिकाका प्रमुख बालेन्द्र शाह (बालेन)ले नागरिकका दैनिक जीवन सहजताको लागि स्वास्थ्य, शिक्षा, रोजगारी प्रवद्र्धन जस्ता कार्यक्रमलाई महानगरपालिकाले गौरवको योजनाको रुपमा कार्यान्वयनमा ल्याएको बताएका छन् ।
३१ औँ महानगर दिवसका अवसरमा सोमबार काठमाडौँमा आयोजित कार्यक्रमलाई सम्बोधन गर्दै उनले काठमाडौं महानगरपालिका आम महानगर बासिको हितका लागि काम गरिरहेको भन्दै नागरिकका दैनिक जीवनसँग जोडिएका र आम सरोकारसँग सम्बन्धित योजना कार्यान्वयनलाई थप प्राथमिकता दिएको बताए ।
उनले भने, ‘काठमाडौं महानगरपालिका आम महानगर बासिको हितका लागि काम गरिरहेको छ । आर्थिक, सामाजिक, पूर्वाधार, सुशासन तथा अन्तर सम्बन्धित क्षेत्र र कार्यालय सञ्चालन तथा प्रशासनिक क्षेत्र महानगरपालिकाले नियमित काम गर्ने क्षेत्र हुन् । महानगरले नियमित कामसँगै नागरिकका दैनिक जीवनसँग जोडिएका र आम सरोकारसँग सम्बन्धित योजना कार्यान्वयनलाई थप प्राथमिकता दिन स्वास्थ्य, शिक्षा, रोजगारी प्रवद्र्धन, वातावरण सुधार र पूर्वाधारका कार्यक्रमलाई महानगरपालिकाले गौरवको योजनाको रुपमा कार्यान्वयनमा ल्याएको छ ।’
यस्तै, उनले महानगरले धूलोरहित सडक कार्य अन्र्तगत ५५ किलो मिटर सडक सुधारको काम सम्पन्न गरेको, ६२ वटा चोकमा लाइट जडान गरेको, सडक बत्तिको गुणस्तर कायम गराउन रात्रिकालिन सहरी सौन्दर्यलाई एकनास बनाउन ५ हजार ३ सय १८ वटा पोलमा १३ हजार ३ सय ४० वटा बत्ति राखेर सहरलाई उज्यालो बनाउदै गरेको पनि जानकारी दिए ।
उनले भने, ‘आम नागरिकको प्रत्यक्ष चासोका रुपमा रहेका निरन्तर सञ्चालन हुने कार्य मध्य प्राथमिकतामा राख्नु पर्ने कामलाई स्वर्णिम योजनाका रुपमा राखिएको छ । यसरी सञ्चालन गरिएको कार्यक्रम मध्य धूलोरहित सडक कार्य अन्तरगत ५५ किलो मिटर सडक सुधारको काम सम्पन्न भएको छ । ६२ वटा चोकमा लाइट जडान गरिएको छ । सडक बत्तिको गुणस्तर कायम गराउन रात्रिकालिन सहरी सौन्दर्यलाई एकनास बनाउन ५ हजार ३ सय १८ वटा पोलमा १३ हजार ३ सय ४० वटा बत्ति राखेर सहरलाई उज्यालो बनाउँदैछौँ ।’
यस वर्ष १ हजार ८६ जना विपन्न नागरिकको उपचार सिफारिस गरेको, बेवारिसे, विपन्न र बेसाहारा निशूल्क उपचार अन्तरगत २ सय १० जनालाई निशूल्क उपचार सेवा प्रदान गरेको पनि उनले जानकारी दिएका छन् ।
उनले भने, ‘यस वर्ष १ हजार ८६ जना विपन्न नागरिकको उपचार सिफारिस भयो, बेवारिसे, विपन्न र बेसाहारा निशूल्क उपचार अन्तरगत २ सय १० जनालाई निशूल्क उपचार सेवा प्रदान गरियो । ३२ वडामा स्वास्थ्य प्रवद्र्धन केन्द्रसहित ३५ वटा स्वास्थ्य संस्था, जनस्वास्थ्य प्रयोगशाला स्थापना गरेका छौ । १० वटा केन्द्रलाई बिमाका प्रथम सेवा विन्दुका रुपमा सञ्चालन गरेका छौँ ।’
यो खबर पढेर तपाईलाई कस्तो महसुस भयो ?
कुल मतदान: 0
काठमाडौं ।नेपाल कम्युनिष्ट पार्टी (एमाले) सुदूरपश्चिम प्रदेश संसदीय दलले नेपाली काँग्रेस नेतृत्वको प्रदेश सरकारलाई दिएको समर्थन फिर्ता लिने निर्णय गरेको छ। बुधबार बसेको संसदीय दलको बैठकले सोही दिन साँझ ५ बजेदेखि लागू हुने गरी सरकारप्रतिको समर्थन फिर्ता लिने निर्णय गरेको दलका नेता राजेन्द्रसिंह रावलले जानकारी दिए।आर्थिक वर्ष २०८३/८४ को बजेट
लोड भइरहेको छ...
Loading brands...
