सजिलो पत्रिका
२०८२ मंसिर २३, मङ्गलबार ०६:४३
काठमाडौँ
जापानले आफ्ना विमानमाथि चिनियाँ लडाकु विमानले ‘रेडार लक’ गरेको आरोप लगाउँदै कडा आपत्ति जनाएको छ। जापानी रक्षा मन्त्रालयका अनुसार शनिबार ओकिनावा आसपासको आकाशमा चीनका J-15 लडाकु जेटले दुई पटक जापानी विमानलाई लक्षित गर्दै फायर–कन्ट्रोल रेडार अन गरेको थियो, जुन सम्भावित आक्रमणको संकेत मानिन्छ। घटना पछि जापानले आफ्ना लडाकु विमान उडाएर प्रतिक्रिया दिएको थियो।
बीजिङले भने टोकियोको दाबीलाई अस्वीकार गर्दै जापानी विमानहरूले प्रशिक्षण अभ्यासमा बाधा पुर्याएको आरोप लगाएको छ। चीनका अनुसार उक्त सैन्य अभ्यास पहिले नै सार्वजनिक गरिएको थियो। जापानका अधिकारीहरूले भने आफ्ना विमानले कुनै उक्साहटपूर्ण गतिविधि नगरेको स्पष्ट पारेका छन्। प्रधानमन्त्री सनेई तकाइचीले घटनालाई “अत्यन्त दुःखद” भन्दै चीनसँग पुनरावृत्ति रोक्ने कदम चाल्न माग गरेकी छन्।
गत महिनादेखि जापान–चीन सम्बन्ध तीव्र रूपमा बिग्रिँदै गएको छ, विशेषगरी ताकाइचीले चीनले ताइवानमा हमला गरेमा जापानले सैन्य कारबाही गर्न सक्ने संकेत दिएको बयानपछि। दुवै देशका नेताहरूबाट आक्रामक अभिव्यक्ति आउने क्रम बढ्दै गएको छ, जसले नागरिकको दैनिक जीवनसमेत प्रभावित पारेको छ।
यसबीच, चीन र जापानका तटरक्षकबीच विवादित पूर्वी चाइनाको समुद्री क्षेत्र नजिकै झडपबारे फरक–फरक विवरण आएका थिए। चीनले आफ्ना नागरिकलाई जापान यात्रा नगर्न सुझाएको छ, जापानी समुद्री खानेकुरा आयातमा प्रतिबन्ध लगाएको छ र लोकप्रिय जापानी फिल्महरूको प्रदर्शन समेत रोकिएको छ। दुई सप्ताहअघि योनागुनी नजिक चिनियाँ ‘ड्रोन’ देखिएपछि जापानले विमान उडाएर सतर्कता अपनाएको थियो, साथै त्यहाँ क्षेप्यास्त्र तैनाथ गर्ने तयारीले बीजिङलाई आणखी आक्रोशित बनाएको छ।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौं । प्रधानमन्त्री बालेन्द्र शाह (बालेन)ले देशको आर्थिक विकास र समृद्धिका लागि पुँजी बजारको महत्त्वपूर्ण भूमिका रहेको बताएका छन् ।आज प्रधानमन्त्री तथा मन्त्रिपरिषद्को कार्यालयमा सरोकारवाला र नियमनकारी निकायका व्यक्तिसँग छलफल गर्दै प्रधानमन्त्री शाहले पुँजी बजारमार्फत उद्यमशीलताको विकास र रोजगारी सिर्जना गर्ने कार्य मुख्य प्राथमिकतामा रहेको बताएका हुन् ।प्रधानमन्त्री शाहले व्यवसायीलाई
लोड भइरहेको छ...
Loading brands...
