सजिलो पत्रिका
२०८२ मंसिर १२, शुक्रबार १०:५२
नेपाली काँग्रेसका सभापति शेर बहादुर देउबालाई उनकै निकटवर्ती नेताहरूले चुनावअघि पार्टीको महाधिवेशन नगर्न सुझाव दिएका छन् ।
बिहीबार सभापति देउवाले आफ्नो अस्थायी निवास महाराजगञ्जमा बोलाएको छलफलमा सहभागी नेताहरूले आगामी फागुन २१ गतेका लागि तय भएको प्रतिनिधि सभा निर्वाचनअघि महाधिवेशन गर्दा पार्टीलाई क्षति पुग्ने निष्कर्ष सुनाएका हुन् ।
छलफलपछि सञ्चारकर्मीसँग कुरा गर्दै पार्टीका प्रवक्ता डा. प्रकाशशरण महतले भने, "निर्वाचनअघि पार्टीको नियमित महाधिवेशन गर्न हुँदैन भन्ने विषय हामीले सभापतिज्यूसँग राख्यौं । चुनावअघि महाधिवेशन गरेर जाँदा पार्टीलाई क्षति हुन्छ भन्ने हाम्रो निष्कर्ष हो ।"
नेताहरूको सुझाव सुनेपछि सभापति देउवाले सहमति गरेरै अघि बढ्न निर्देशन दिएको डा. महतले जानकारी दिए । देउवाको भनाइ उद्धृत गर्दै महतले भने, "जे जस्तो भए पनि अहिलेको समस्यालाई समाधान गर्न सहमति गरेर जानुस् भन्नुभएको छ ।"
नेपाली कांग्रेसभित्र हाल महाधिवेशनको मिति र प्रक्रियालाई लिएर तीव्र विवाद छ । महामन्त्रीद्वय गगन थापा र विश्वप्रकाश शर्मासहितको समूहले पुस महिनाभित्रै नियमित वा विशेष महाधिवेशन गर्नुपर्ने माग गर्दै आएको छ भने सभापति देउवा पक्ष चुनावपछि मात्रै महाधिवेशन गर्ने पक्षमा देखिएको छ ।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौं ।नेपाल कम्युनिष्ट पार्टी (एमाले) सुदूरपश्चिम प्रदेश संसदीय दलले नेपाली काँग्रेस नेतृत्वको प्रदेश सरकारलाई दिएको समर्थन फिर्ता लिने निर्णय गरेको छ। बुधबार बसेको संसदीय दलको बैठकले सोही दिन साँझ ५ बजेदेखि लागू हुने गरी सरकारप्रतिको समर्थन फिर्ता लिने निर्णय गरेको दलका नेता राजेन्द्रसिंह रावलले जानकारी दिए।आर्थिक वर्ष २०८३/८४ को बजेट
लोड भइरहेको छ...
Loading brands...
