सजिलो पत्रिका
२०८२ मंसिर ११, बिहिबार ०८:३९
काठमाडौँ ।
ऊर्जा, भौतिक पूर्वाधार तथा शहरी विकास मन्त्री कुलमान घिसिङले सिंहदरवारस्थित निर्माणाधीन संघीय संसद भवनको आकस्मिक निरीक्षण गर्दै काममा ढिलाइ भए निर्माण व्यवसायीसहित सम्बन्धित सबैलाई कारबाही गर्ने चेतावनी दिएका छन् ।
बुधबार साँझ अचानक निरीक्षणमा पुगेका मन्त्री घिसिङले आफूले पटक–पटक तीन सिफ्टमा काम गर्न निर्देशन दिए पनि फिल्डमा सोअनुसार काम नभएको भन्दै असन्तुष्टि व्यक्त गरे । "तीन सिफ्टमा काम गरी निर्माण सम्पन्न नगरेमा निर्माण व्यवसायीलाई कारबाही हुन्छ," उनले भने, "नियमित सुपरीवेक्षण गर्ने आयोजना व्यवस्थापन र परामर्शदातालाई पनि कारबाही गरिनेछ ।"
आगामी फागुन २१ को चुनावपछि बस्ने नयाँ प्रतिनिधिसभाको बैठकका लागि भवन तयार हुनुपर्ने भएकाले यसको निर्माणलाई उच्च प्राथमिकतामा राखिएको छ । मन्त्री घिसिङले आगामी चैत महिनाभित्र निर्माण सम्पन्न हुनुपर्नेमा जोड दिँदै उक्त समयमा काम नसकिए लापरवाही गर्ने सबैलाई कारबाही गरिने बताए ।
२०७६ असोजमा तीन वर्षभित्र सक्ने गरी ठेक्का सम्झौता भएको यो आयोजनाको म्याद पाँचौंपटक थपिएर आगामी पुस १६ गते सकिँदैछ । हालसम्म आयोजनाको भौतिक प्रगति करिब ८७ प्रतिशत छ ।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौं । बाग्मती नदीको कटानले टौदहपूर्वका केही घर परेका छन् । कीर्तिपुर नगरपालिका-६ स्थित टौदह उपत्यकाको प्रमुख पर्यटकीय गन्तव्यस्थलमध्ये एक हो । वाग्मतीले विगत दुई वर्षदेखि धार परिवर्तन गरी पश्चिमी किनाराको माटो कटान गर्न थालेपछिटौदहको पूर्व र दक्षिणतर्फका बस्ती जोखिममा परेका छन् ।टौदहका स्थानीयवासी मिलन खड्काले भने ‘बाग्मती नदीको कटानले
लोड भइरहेको छ...
Loading brands...
