सजिलो पत्रिका
२०८२ मंसिर ११, बिहिबार ०६:३३
काठमाडौँ
युरोपियन आयोगकी अध्यक्ष उर्सुला भोन डेयर लायनले युक्रेन–रूस युद्धलाई “अस्थिर र खतरनाक” बताउँदै रुस शान्ति वार्तामा बस्ने कुनै वास्तविक इच्छाशक्ति नभएको आरोप लगाइन् । उनले युक्रेनलाई भविष्यका आक्रमण रोक्न सक्षम कडा सुरक्षा ग्यारेन्टी आवश्यक पर्ने बताइन्, जबकि क्रेमलिनले भने शान्ति सम्झौताका बारेमा कुरा गर्नु अहिले “असमय” भएको दाबी गर्यो ।
उनकाे भनाइ संयुक्त राज्य अमेरिकाले जेनेभा र अबुधाबीमा गरिएको वार्तामा मध्यस्थता गरिरहेकै बेला आएको हो, जसमा युक्रेनले प्रारम्भिक विवादास्पद २८ बुँदे योजनामा परिमार्जन भएपछि “सार” मा सहमति जनाएको छ । तर रुससँगका मुख्य विवादहरू अझै यथावत् छन्, र क्रेमलिनले कुनै ठोस सहमतिका संकेत दिएको छैन ।
भोन डेयर लायनले युरोप युक्रेनसँग “हरेक कदममा” साथ रहने बताउँदै युरोपमा रहेको २१० अर्ब यूरो बराबरको रूसी फ्रोजन सम्पत्तिको उपयोगबारे पनि कुरा उठाइन् । बेल्जियमलगायत केही देशले कानुनी जोखिमका कारण यो सम्पत्ति युक्रेनलाई दिने विषयमा शंका प्रकट गरिरहेका छन् । यसैबीच फ्रान्स–युनाइटेड किंगडमको नेतृत्वमा “कोलिशन अफ द विलिङ”ले युक्रेनका लागि सुरक्षा ग्यारेन्टीबारे छलफल गरिरहेको छ ।
अर्कोतर्फ, अमेरिकाले रुस र युक्रेनबीच “शटल कुटनीति” निरन्तर जारी राखेको छ, तर हालसम्म ठोस प्रगति भएको छैन । राष्ट्रपति भोलोदिमिर जेलेन्स्कीले महिनाभित्रै डोनाल्ड जोन ट्रम्पसँग प्रत्यक्ष वार्ता गर्न चाहेका छन्, जबकि ट्रम्पले भने आफू ज़ेलिन्स्की र भ्लादिमिर पुटिनसँग “अन्तिम वा अन्तिम चरणको” सम्झौता नजिकिएपछि मात्र भेट्न तयार हुने बताएका छन् ।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौं । नेपाल प्रहरीका महानिरीक्षक (आईजीपी) दान बहादुर कार्कीले सीमापार अपराध नियन्त्रणका लागि अन्तर्राष्ट्रिय सहयोग, सूचना आदान–प्रदान र प्रहरी संगठनबीचको साझेदारीलाई अझ सुदृढ बनाउनुपर्नेमा जोड दिएका छन्। संयुक्त राष्ट्रसंघको मुख्यालय न्यूयोर्कमा आयोजित पाँचौं संयुक्त राष्ट्रसंघीय प्रहरी प्रमुखहरूको शिखर सम्मेलन (युएनसीओपिएस) मा नेपालको प्रतिनिधित्व गरेर स्वदेश फर्किएपछि सामाजिक सञ्जालमार्फत उनले सम्मेलनमा
लोड भइरहेको छ...
Loading brands...
