सजिलो पत्रिका
२०८२ कात्तिक २४, सोमबार १७:१९
नेपाल कम्युनिष्ट पार्टी (एमाले)का महासचिव शंकर पोखरेलले नवयुवालाई ढाल बनाएर राष्ट्रका विरुद्धमा जुन आन्दोलन गराइयो त्यो दुष्टताका विरुद्धमा नेकपा एमाले चट्टानसरी उभिएको बताएका छन् ।
सोमबार घर फर्क अभियानको घोषणा कार्यक्रममा बोल्दै उनले २३ र २४ गतेको घट्नापछि मुलुकमा जुन प्रकारको परिस्थिति उत्पन्न भयो त्यो कुनै मुलुकको लागि सहि नभएको भन्दै राष्ट्रका विरुद्धमा जुन अपराध गराइयो त्यो दुष्टताका विरुद्धमा नेकपा एमाले सधैँ उभिएको बताए ।
‘२३ र २४ गतेको घट्नापछि हाम्रो मुलुकमा जुन प्रकारको परिस्थिति उत्पन्न भयो त्यो कुनै मुलुकलाई काम थिएन भन्ने कुरा नेकपा एमाले बाहेक कसैले बुझ्न सकेन । सबै अलमल भएका छन् । हाम्रा नवयुवालाई ढाल बनाएर राष्ट्रका विरुद्धमा जुन अपराध गराइयो त्यो दुष्टताका विरुद्धमा चट्टानसरी उभिएको एउटै पार्टी एमाले हो ।’ उनले भने ।
त्यस्तै, उनले विद्यार्थी भाईबहिनीलाई ढाल बनाएर मुलुकलाई कमजोर पार्ने जुन षड्यन्त्र भयो त्यो बाहिर ल्याउन आवश्यक रहेको बताए । उनले बालबालिकालाई राज्यसत्ता विरुद्ध परिचालन गर्ने दृष्टिकोण लोकतन्त्र मान्यता अनुकुल हुन नसक्ने भन्दै २३ गतेको घट्नालाई अतिरञ्जीत गर्ने काम भएको दाबी गरे ।
‘विद्यार्थी भाईबहिनीलाई ढाल बनाएर मुलुकलाई कमजोर पार्ने जुन षड्यन्त्र भयो त्यो बाहिर ल्याउन आवश्यक छ । बालबालिकालाई राज्यसत्ता विरुद्ध परिचालन गर्ने दृष्टिकोण हाम्रो लोकतन्त्र मान्यता अनुकुल हुन सक्दैनथ्यो । २३ गतेको घट्नालाई अतिरञ्जीत गर्ने काम भयो ।’ उनले भने ।
साथै, नेपालको राजनीतिक इतिहासमा देशको विकासमा सबैभन्दा प्रभावकारी काम गर्ने सरकार एमाले अध्यक्ष केपी शर्मा ओलीको सरकार भएको पोखरेलले बताए ।
अहिलेको अन्तरिम सरकार नियोजित रूपमा राजनीतिक दललाई कमजोर बनाउने षडयन्त्रका साथ अघि बढिरहेको उनको भनाई छ ।
पोखरलेले चुनाव हुने वातावरण छैन तर यसलाई अस्वीकार गर्न सकिँदैन भनेर अन्य दलहरूले आन्तरिक छलफलमा भन्ने गरेको भन्दै उनले आलोचना गरे । अन्य राजनीतिक दल डरकै कारण बोल्न नसकेका बताउँदै पोखरेलले यस्तो बेला बलियो राष्ट्रिय शक्ति आवश्यक रहेको बताए ।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौं । प्रधानमन्त्री बालेन्द्र शाह (बालेन)ले देशको आर्थिक विकास र समृद्धिका लागि पुँजी बजारको महत्त्वपूर्ण भूमिका रहेको बताएका छन् ।आज प्रधानमन्त्री तथा मन्त्रिपरिषद्को कार्यालयमा सरोकारवाला र नियमनकारी निकायका व्यक्तिसँग छलफल गर्दै प्रधानमन्त्री शाहले पुँजी बजारमार्फत उद्यमशीलताको विकास र रोजगारी सिर्जना गर्ने कार्य मुख्य प्राथमिकतामा रहेको बताएका हुन् ।प्रधानमन्त्री शाहले व्यवसायीलाई
लोड भइरहेको छ...
Loading brands...
