सजिलो पत्रिका
२०८२ कात्तिक २३, आइतबार १७:३५
काठमाडौं ।नेपाल कम्युनिष्ट पार्टी (एमाले) का अध्यक्ष खड्गप्रसाद शर्मा ओलीले प्रधानमन्त्री सुशीला कार्कीलाई ‘जेन-जी बहिनी’ भनेका छन् ।
राष्ट्रिय युवा संघ नेपालका केन्द्रीय कमिटीको तेस्रो पूर्ण बैठकलाई आइतबार सम्बोधन गर्दै उनले आन्दोलन र शान्तिपूर्ण प्रदर्शनका लागि कसैको अनुमति नचाहिने बताएका छन् ।
उनले प्रधानमन्त्री कार्कीलाई सम्बोधन गर्दै जेन-जी बहिनीको संज्ञा दिए । ‘जेन-जी बहिनी हुनुहुन्छ कि दिदी हुनुहुन्छ, तर सडकमा उत्रिन कसैको स्वीकृति चाहिँदैन’, उनले भने ।
ओलीले सरकार र प्रशासनमाथि कटाक्ष गर्दै अहिले केहीले संविधान र कानुनलाई बेवास्ता गरेर निर्णय लिइरहेको बताए ।
‘सडकमा उत्रिन कसैको स्वीकृति चाहिँदैन । जसले देश जलाए, अहिले उनै देश चलाइरहेका छन्’, उनले भने, ‘हामी विरोध गर्छौँ तर आगो लगाउन सडकमा जाँदैनौँ; शान्तिपूर्ण प्रदर्शन हाम्रो हक हो।’
उनले अन्तरिम सरकार र प्रशासनलाई कुनै विरोध र आन्दोलन अनुमति लिएर नहुने पनि बताए। ‘प्रशासनलाई आन्दोलन इजाजत लिएर मात्रै हुने भन्ने नियम हुँदैन, यदि स्वीकृति नदिइयो भने आफैं सडकमा उत्रिन्छौँ’, उनले भने, ‘संविधानमाथि प्रजिअको आदेश हुँदैन । संविधानभन्दा माथि कोही हुनसक्दैन।’
ओलीले केहीले विरोधलाई हिंसात्मक बनाउने काम गरिरहेको दाबी गर्दै त्यस्ता गतिविधि र काल्पनिक प्रचारप्रति सचेत हुन सबैलाई आग्रह गरे।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौं । नेपाली काँग्रेसका सभापति गगन थापाले प्रदेश सरकार गठनका सन्दर्भमा तीन ठूला दलहरू (कांग्रेस, एमाले र माओवादी) मिल्नुपर्ने प्रस्तावप्रति कडा विमति प्रकट गरेका छन्। आइतबार ललितपुरमा आयोजित एक कार्यक्रममा बोल्दै थापाले तीन दल मिलेर सरकार बनाउँदा प्रदेश संसद् प्रतिपक्षविहीन हुने र यसले लोकतान्त्रिक मूल्य तथा जनमतको अपमान हुने बताए।थापाले
Loading brands...
