जापानकी प्रधानमन्त्री सानाए ताकाइचीले किम जोङ उनसँग शिखर बैठकको इच्छा जनाइन्

सजिलो पत्रिका

२०८२ कात्तिक १८, मङ्गलबार ०८:१४

जापानकी प्रधानमन्त्री सानाए ताकाइचीले २० वर्षपछि पहिलोपटक उत्तर कोरियाली नेता किम जोङ उनसँग शिखर बैठक गर्ने इच्छा व्यक्त गर्दै अपहरण मुद्दा समाधान गर्ने प्रतिबद्धता जनाइन्।
जापानले १९७० र १९८० दशकमा उत्तर कोरियाली एजेन्टहरूले १७ जापानी नागरिक अपहरण गरेको दाबी गरेको छ, जस मध्ये पाँच जना सन् २००२ मा फर्काइएका थिए।
उत्तर कोरियाले जापानको दाबी अस्वीकार गर्दै केही मानिसहरूको मृत्यु दुर्घटना र आत्महत्याबाट भएको बताएको छ र मुद्दा समाप्त भएको दाबी गरेको छ।
ताकाइचीले अपहृत व्यक्तिहरूका परिवारसँग भेट गरी पूर्व प्रधानमन्त्री शिन्जो आबेको अभियानलाई अगाडि बढाउने घोषणा गरेकी छन्, जसले जापान-उत्तर कोरिया सम्बन्धमा नयाँ संवादको सम्भावना खोलिएको छ।

समाचार सारांशGenerated using AI.

काठमाडौँ

झण्डै २० वर्षपछि पहिलोपटक जापानकी प्रधानमन्त्री सनेई तकाइचीले उत्तर कोरियाली नेता किम जोङ उन्सँग शिखर बैठक गर्न चाहेको घोषणा गरेकी छन्। उनले उत्तर कोरियाले दशकौँ अघि अपहरण गरेका जापानी नागरिकहरूको फर्काइका लागि आयोजित -यालीमा बोल्दै भनेकी थिइन्, “हामीले शिखर बैठकको चाहना उत्तर कोरियासमक्ष व्यक्त गरिसकेका छौं। म प्रत्यक्षरूपमा संवाद गरेर ठोस परिणाम ल्याउन चाहन्छु र मेरो कार्यकालमै यो अपहरण मुद्दा समाधान गर्ने दृढ संकल्प लिएकी छु।”

उत्तर कोरिया र जापानबीचको नागरिक अपहरण मुद्दा लामो समयदेखि विवादको विषय रहँदै आएको छ। सिएनएनका अनुसार, जापानले कम्तीमा १७ नागरिकहरूलाई १९७० र १९८० दशकमा उत्तर कोरियाली एजेन्टहरूले अपहरण गरेको बताएको छ, जस मध्ये पाँच जना सन् २००२ मा फर्काइएका थिए। सन् २०१४ को संयुक्त राष्ट्रसंघको प्रतिवेदनले यी अपहरणहरू उत्तर कोरियाको गुप्तचर कार्यक्रमको हिस्सा भएको संकेत गरेको थियो।

तर उत्तर कोरियाले जापानले बताएको सङ्ख्यालाई अस्वीकार गर्दै केही मानिसहरूको मृत्यु सडक दुर्घटना, डुबेर वा आत्महत्याबाट भएको दाबी गरेको छ। उत्तर कोरियाले यस मुद्दा समाप्त भइसकेको बताउँदै जापानका आरोपहरूलाई अस्वीकार गरेको छ। यसबीच, ताकाइचीले पदभार ग्रहण गरेपछि दुई पटक अपहृत व्यक्तिहरूका परिवारसँग भेट गरेकी छिन्, जसमा एकपटक अमेरिकी राष्ट्रपति डोनाल्ड ट्रम्प पनि सहभागी भएका थिए।

ताकाइचीले आफ्ना गुरु पूर्व प्रधानमन्त्री शिन्जो आबेले सुरु गरेको अपहरण मुद्दा समाधान गर्ने अभियानलाई पूर्णता दिने प्रतिबद्धता व्यक्त गरेकी छन्। सन् २००२ मा जापानका तत्कालीन प्रधानमन्त्री जुनिचिरो कोइजुमीले उत्तर कोरियाको राजधानी प्योङयाङमा गएर किम जोङ इलसँग भेट गरेका थिए, जो अहिलेका नेता किम जोङ उनका पिता हुन्। यो पछिल्लो पहल दुई देशबीचको सम्बन्ध सुधारतर्फको महत्त्वपूर्ण कदमका रूपमा हेरिएको छ।

यो समाचारमा

किम जोङ उन्4 more

ट्यागहरू

#किम जोङ उन #अन्तर्राष्ट्रियअपडेट #जापान #सानाए ताकाइची #अन्तर्राष्ट्रिय समाचार #उत्तर कोरिया

यो खबर पढेर तपाईलाई कस्तो महसुस भयो ?

कुल मतदान: 0

सम्बन्धित समाचार

जोर्डन घटनापछि अमेरिका–इरान द्वन्द्व थप चर्कियो

काठमाडौं । जोर्डनस्थित अमेरिकी सैन्य अड्डामा भएको घातक आक्रमणको बदला लिन अमेरिकाले इरानको अर्धसैनिक बल ‘रिभोलुसनरी गार्ड’का रणनीतिक सैन्य संरचनाहरूमाथि आइतबार भीषण हवाई आक्रमण गरेको छ। यससँगै होर्मुज जलसन्धिलाई केन्द्रमा राखेर जारी अमेरिका–इरान तनावले थप उग्र रूप लिएको छ।अमेरिकी सेनाको ‘सेन्ट्रल कमान्ड’का अनुसार यो कारबाहीमा पहिलो पटक रिभोलुसनरी गार्डका संरचनालाई