सजिलो पत्रिका
२०८२ कात्तिक १६, आइतबार ०६:१५
बङ्गालको खाडीबाट उत्पन्न भएको ‘मोन्था आँधी’को असरले केही दिनदेखि नेपालका विभिन्न भागमा प्रतिकूल मौसम देखिएको थियो । अहिले भने उक्त प्रभाव क्रमशः कमजोर हुँदै गएको र देशभरको मौसम सुधारतर्फ उन्मुख भएको जल तथा मौसम विज्ञान विभागले जनाएको छ । यद्यपि अझै पनि देशका केही भूभागमा वर्षा र हिमपातको सम्भावना कायमै रहेको विभागको पूर्वानुमान छ । विशेष गरी पूर्वी र मध्य भागमा आंशिक असर रहने देखिएको छ ।
विभागका अनुसार कोशी प्रदेश, बागमती प्रदेश र गण्डकी प्रदेशका पहाडी भू–भागका केही स्थानमा हल्का वर्षा र हिमपात हुन सक्ने सम्भावना रहेको छ । ती क्षेत्रमा मौसम अझै पूर्ण रूपमा सफा नभए पनि देशका बाँकी भूभागमा भने आंशिकदेखि मुख्यतया सफा मौसम रहनेछ । पश्चिमी वायु र अरब सागरमा बनेको न्यून चापीय प्रणालीको संयुक्त प्रभावका कारण अहिले पनि कतिपय ठाउँमा हल्का बदली देखिएको छ ।
आज दिउँसो कोशी, बागमती र गण्डकी प्रदेशमा सामान्य बदली रहने अनुमान गरिएको छ । मधेश प्रदेश र बाँकी प्रदेशका पहाडी भू–भागमा आंशिक बदली रहनेछ भने अन्य स्थानमा मौसम मुख्यतया सफा रहनेछ । मौसमविद्हरूका अनुसार अहिलेको स्थितिले दैनिक जीवनमा खासै असर पार्ने देखिँदैन, तर उच्च पहाडी क्षेत्रका बासिन्दाहरूले सतर्कता अपनाउन सुझाव दिइएको छ ।
आज राति पनि मौसममा समान प्रवृत्ति रहने सम्भावना छ । कोशी, बागमती र गण्डकी प्रदेशका पहाडी तथा हिमाली क्षेत्रका एकदुई स्थानमा हल्का वर्षा वा हिमपात हुन सक्ने देखिएको छ । अन्य प्रदेशहरूमा भने आकाश सफा रहने र तापक्रम स्थिर रहने विभागले जनाएको छ । विभागले किसान, यात्रु तथा उच्च हिमाली क्षेत्रतर्फ जानेहरूलाई आवश्यक तयारी र सतर्कता अपनाउन आग्रह गरेको छ ।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौँ । राष्ट्रपति रामचन्द्र पौडेलले विकास निर्माणको केन्द्रमा मानव र प्रकृतिलाई राख्नुपर्नेमा जोड दिएका छन्। नेपाल इन्जिनियर्स एसोसिएसनको ६४औँ वार्षिकोत्सवलाई सम्बोधन गर्दै उनले विकासको अवधारणा जनताको कल्याण र मुलुकको समृद्धिसँग जोडिनुपर्ने बताए।जलवायु परिवर्तनको बढ्दो चुनौतीलाई मध्यनजर गर्दै अबका पूर्वाधारहरू दिगो, पर्यावरणमैत्री र 'हरित विकास' को सिद्धान्तमा आधारित हुनुपर्ने राष्ट्रपतिको भनाइ
Loading brands...
