सजिलो पत्रिका
२०८२ कात्तिक १४, शुक्रबार ०७:१०
काठमाडौँ
सुडानका अर्धसैनिक बल ‘र्द्रुत समर्थन बल’का प्रमुख मोहम्मद हमदान दगालो (हेमेद्ती) ले दारफुरको एल-फासर शहरमा द्रुत समर्थन बल लडाकूहरूले गरेको भनिएको हत्याकाण्डबारे छानबिन गर्ने घोषणा गरेका छन्। शहर नियन्त्रणमा लिएपछि आम नागरिकमाथि भएका सामूहिक हत्या र अत्याचारका भिडियो सार्वजनिक भएपछि अन्तर्राष्ट्रिय दबाब बढेको थियो। हेमेद्तीले ती घटनाप्रति दुःख व्यक्त गर्दै आफ्नो बलका केही सदस्यहरूले ‘उल्लङ्घन’ गरेको स्वीकार गरे र छानबिनका लागि समिति पठाएको दाबी गरे। तर विगतमा पनि उनले यस्तै वाचा गरेपनि परिणाम नआएको इतिहास छ।
विश्व स्वास्थ्य सङ्गठनले एल-फासरको अन्तिम सञ्चालनमा रहेको साउदी अस्पतालमा भएका हत्या घटनाप्रति गहिरो आघात प्रकट गरेको छ। रिपोर्ट अनुसार ४६० भन्दा बढी नागरिक, जसमा बिरामी र उनीहरूका परिवार समेत थिए, द्रुत समर्थन बल लडाकूहरूले गोली हानेर मारेका छन्। युकेको सुडान डाक्टर नेटवर्कका प्रवक्ता मोहम्मद फैसलका अनुसार लडाकूहरूले अस्पतालका वार्ड र क्लिनिक दुवैतिर प्रवेश गरी बिरामी, स्वास्थ्यकर्मी र कुरुवा सबैलाई मारेका थिए। केही चिकित्सक भाग्न सफल भए भने अन्य अझै पनि घेराबन्दीमा फसेका छन्।
घेराबन्दीका १८ महिनाभन्दा बढी अवधिमा द्रुत समर्थन बलले बारम्बार अस्पतालमाथि ड्रोन आक्रमण र तोप प्रहार गरेको बताइन्छ। हालसम्म ५,००० भन्दा बढी मानिसहरू एल-फासरबाट भागी ६० किमी टाढा रहेको तविला पुगेका छन्, जहाँ उनीहरू धेरैजसो शारीरिक र मानसिक रूपमा कमजोर अवस्थामा छन्। सहायता संस्था ‘सोलिडारिटेज इन्टरनेसनल’ का अनुसार तीमध्ये धेरैजना बलात्कार र हिंसाका सिकार बनेका छन्। यसबीच, संयुक्त अरब इमिरेट्सले द्रुत समर्थन बललाई सहयोग गरेको आरोपमा आलोचना बढिरहेको छ, तर संयुक्त अरब इमिरेट्सले आरोप अस्वीकार गरेको छ।
एल-फासर कब्जा गरेपछि सुडानको भूगोलिक विभाजन अझ स्पष्ट भएको छ पश्चिम र दक्षिणको ठूलो भाग अब द्रुत समर्थन बलको नियन्त्रणमा छ भने राजधानी खार्तुम र पूर्वी क्षेत्र सेना अधिनमा छन्। अफ्रिकी सङ्घले तत्काल मानवीय सहायता पहुँचका लागि मार्ग खोल्न र अपराधीहरूलाई न्यायको कठघरामा ल्याउन माग गरेको छ। अफ्रिकी सङ्घका विशेष प्रतिनिधि मोहम्मद इब्न चाम्बसका अनुसार सुडान हाल विश्वकै सबैभन्दा गम्भीर मानवीय संकटमा छ, र समस्याको मूल कारण देशभित्रको विभाजन र समावेशी शासनको अभाव हो। उनले सैन्य समाधान सम्भव नभएको भन्दै सबै पक्षबीच समावेशी राजनीतिक संवादको आवश्यकता दोहोर्याए।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौं । भारतमा प्रश्नपत्र चुहावट र शिक्षा प्रणालीमा सुधारको माग गर्दै युवा नेतृत्वको ‘कक्रोच’ आन्दोलनले उग्र रूप लिएको छ। सोमबार हजारौँ प्रदर्शनकारीहरू राजधानी नयाँदिल्लीको जन्तरमन्तरमा भेला भई संसद् भवनतर्फ मार्च गर्ने प्रयास गरेका छन्। संसद्को मनसुन अधिवेशन जारी रहेकाले प्रहरीले सुरक्षाको कारण देखाउँदै मार्चको अनुमति नदिएपछि दिल्लीको सुरक्षा व्यवस्था अत्यन्त
Loading brands...
