सजिलो पत्रिका
२०८२ असोज २८, मङ्गलबार ०९:४७
नेपालका लागि इजरायली पूर्वराजदूत हानान गोदारले हमास आक्रमणमा ज्यान गुमाएका नेपाली युवक बिपिन जोशीप्रति गहिरो श्रद्धाञ्जली अर्पण गरेका छन्। गोदारले सामाजिक सञ्जाल फेसबुकमा विपिनसँगको त्रिभुवन अन्तर्राष्ट्रिय विमानस्थलमा खिचिएको तस्वीर सार्वजनिक गर्दै उनलाई “ऊर्जावान र क्षमतावान युवा” भनेर स्मरण गरेका हुन्।
पूर्वराजदूत गोदारले लेखेका छन्, ‘दुई वर्षको आशा आज अन्त्य भयो। विपिन ऊर्जावान र क्षमतावान युवा विद्यार्थी थिए, जो आफ्नो परिवार, समुदाय र देशका लागि राम्रो गर्न चाहन्थे। उनी सधैं मेरो स्मृतिमा रहनेछन्।’
गोदारका अनुसार विपिनलाई उनले इजरायलको लर्न एण्ड अर्न कार्यक्रममा सहभागी हुनुअघि विमानस्थलमा भेटेका थिए। त्यतिबेला विपिनले देश र परिवारका लागि केही गर्ने दृढ इच्छा व्यक्त गरेका थिए।
सन् २०२३ अक्टोबरमा हमासले इजरायलको किबुत्ज क्षेत्रमा आक्रमण गर्दा १० जना नेपाली विद्यार्थीको मृत्यु भएको थियो भने विपिन जोशी वेपत्ता भएका थिए। इजरायलस्थित नेपाली राजदूतावासका अनुसार डिएनए परीक्षणपछि शवको औपचारिक पहिचान गरी परिवारलाई हस्तान्तरण गरिने छ। हमासले गएराति इजरायललाई चार बन्धकको शव फिर्ता गरेको हो, जसमध्येका एक विपिन जोशी हुन्।
कञ्चनपुर जिल्लाको भीमदत्तनगर नगरपालिकाका जोशी कृषि अध्ययनरत विद्यार्थी थिए। उनी लर्न एन्ड अर्न कार्यक्रम अन्तर्गत सन् २०२३ मा इजरायल पुगेका थिए। उनी इजरायल र गाजा सीमा क्षेत्रको किबुज अलुमिम क्षेत्रमा थिए, जहाँबाट ७ अक्टोबर २०२३ मा उनलाई अपहरण गरिएको थियो।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौँ । सरकारले 'जेनजी आन्दोलन' का शहीद परिवार र घाइतेहरूको पुनस्र्थापना, जीवनयापन तथा सामाजिक संरक्षणका लागि एकीकृत कार्ययोजना अघि बढाएको छ। प्रधानमन्त्री बालेन्द्र शाहले स्वीकृत गरेको यस कार्ययोजनाअनुसार अब सरकारी निकायहरूमा करारमा कर्मचारी नियुक्ति गर्दा शहीद परिवारका एक सदस्य वा घाइतेलाई योग्यता र क्षमताका आधारमा पहिलो प्राथमिकता दिइनेछ।कार्ययोजनामा शहीद परिवार
Loading brands...
