सजिलो पत्रिका
२०८२ भदौ ३०, सोमबार १३:०३
काठमाडौँ ।
सोमबार शीतल निवासस्थित राष्ट्रपति कार्यालयमा प्रधानमन्त्री सुशीला कार्कीको उपस्थितिमा राष्ट्रपति रामचन्द्र पौडेलले तीन नवनियुक्त मन्त्रीहरूलाई पद तथा गोपनीयताको शपथ गराएका छन्। अर्थमन्त्री रामेश्वर खनाल, ऊर्जा, भौतिक योजना तथा सहरी विकासमन्त्री कुलमान घिसिङ र गृह तथा कानुनमन्त्री ओमप्रकाश अर्यालले शपथ लिएका हुन्।
शपथग्रहण समारोहमा राष्ट्रिय सभाका अध्यक्ष नारायण प्रसाद दाहालको उपस्थिति भने उल्लेखनीय रह्यो। प्रधानमन्त्रीको शपथग्रहणमा नदेखिएका दाहाल मन्त्रीहरूको शपथमा उपस्थित भएका हुन्। प्रतिनिधिसभा विघटन भए पनि राष्ट्रिय सभा क्रियाशील रहेकाले उनको पद यथावत छ।
यद्यपि, सभामुख देवराज घिमिरे र उपसभामुख इन्दिरा रानामगर दुवै समारोहमा अनुपस्थित रहे। जेन–जी आन्दोलनपछि प्रधानमन्त्रीको शपथग्रहण र मन्त्रीहरूको शपथग्रहण दुवैमा उनीहरूको अनुपस्थिति देखिएको हो। प्रतिनिधिसभा विघटन भए पनि सभामुख र उपसभामुखको पद प्रतिनिधिसभाको निर्वाचनमा उम्मेदवारहरूको मनोनयनको दिनसम्म यथावत रहने संवैधानिक व्यवस्था छ।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौं । नेपाली काँग्रेसका सभापति गगन थापाले प्रदेश सरकार गठनका सन्दर्भमा तीन ठूला दलहरू (कांग्रेस, एमाले र माओवादी) मिल्नुपर्ने प्रस्तावप्रति कडा विमति प्रकट गरेका छन्। आइतबार ललितपुरमा आयोजित एक कार्यक्रममा बोल्दै थापाले तीन दल मिलेर सरकार बनाउँदा प्रदेश संसद् प्रतिपक्षविहीन हुने र यसले लोकतान्त्रिक मूल्य तथा जनमतको अपमान हुने बताए।थापाले
Loading brands...
