सजिलो पत्रिका
२०८२ भदौ २९, आइतबार १२:१०
काठमाडौँ ।
जेनजी आन्दोलनका क्रममा ज्यान गुमाएका सबैलाई सरकारले शहीद घोषणा गर्ने भएको छ। नवनियुक्त प्रधानमन्त्री सुशीला कार्कीले आज (सोमबार) पदभार ग्रहण गरेलगत्तै यससम्बन्धी महत्त्वपूर्ण निर्णयमा हस्ताक्षर गरेकी हुन्। सरकारले शहीद घोषणा गरिएका प्रत्येक परिवारलाई १० लाख रुपैयाँका दरले आर्थिक राहत उपलब्ध गराउने भएको छ।
मुख्य सचिव एकनारायण अर्यालले यससम्बन्धी जानकारी दिँदै जेनजी आन्दोलनमा परी ७२ जनाको ज्यान गएको पुष्टि गरे। उनका अनुसार, मृत्यु हुनेहरूमा ५९ जना प्रदर्शनकारी, १० जना कैदीबन्दी र ३ जना सुरक्षाकर्मी रहेका छन्।
प्रधानमन्त्री कार्कीको यो निर्णयलाई आन्दोलनका क्रममा गुमाएको मानवीय क्षतिप्रति सरकारले देखाएको संवेदनशीलताका रूपमा लिइएको छ। यो कदमले आन्दोलन प्रभावित परिवारहरूलाई केही हदसम्म भए पनि मलम लगाउने अपेक्षा गरिएको छ। आन्दोलनका क्रममा ठूलो संख्यामा मानिसहरू घाइते पनि भएका थिए। मुख्य सचिव अर्यालका अनुसार, १३४ जना प्रदर्शनकारी र ५७ जना प्रहरी घाइते भएका छन्। सरकारले घाइतेहरूको उपचारका लागि पनि उचित व्यवस्थापन गर्ने अपेक्षा गरिएको छ।
जेनजी आन्दोलनपछि उत्पन्न भएको राजनीतिक सङ्क्रमणकालमा प्रधानमन्त्री कार्कीको यो पहिलो महत्त्वपूर्ण निर्णय हो। यस निर्णयले शान्ति प्रक्रिया र सामान्यीकरणमा सहयोग पुग्ने विश्वास गरिएको छ।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौँ।काठमाडौं उपत्यका ट्राफिक प्रहरी कार्यालयले त्रिपुरेश्वरस्थित राहदानी विभाग अगाडि गणेश नेपालीले गरेको आत्मदाह प्रयासलाई ट्राफिक जरिवानासँग जोडेर गरिएको प्रचारलाई 'तथ्यहीन र भ्रामक' भनेको छ।असार २५ गते मुगुका २५ वर्षीय गणेश नेपालीले गरेको आत्मदाह प्रयासमा ट्राफिक कारबाहीको कुनै सम्बन्ध नरहेको प्रहरीले स्पष्ट पारेको हो। ट्राफिक प्रहरी कार्यालय रामशाहपथले जारी गरेको विज्ञप्तिअनुसार,
लोड भइरहेको छ...
Loading brands...
