सजिलो पत्रिका
२०८२ भदौ २६, बिहिबार ११:११
नेपाल कम्युनिस्ट पार्टी (माओवादी केन्द्र)का वरिष्ठ उपाध्यक्ष नारायण काजी श्रेष्ठले जेन जी पुस्ताले थालेको आन्दोलनलाई नेपालको मात्र नभई विश्वकै इतिहासमा अविस्मरणीय मोडका रूपमा दर्ज हुने बताएका छन्। बुधबार साँझ फेसबुकमार्फत उनले आन्दोलनका मागलाई समर्थन गर्दै सुशासन, भ्रष्टाचारको अन्त्य, राजनीतिक शुद्धीकरण र सामाजिक न्यायसहितको समृद्धिका पक्षमा आफू निरन्तर संघर्षरत रहेको स्मरण गराए।
श्रेष्ठले भने, “तपाईँहरूको साहसिक पहलले महत्त्वपूर्ण उपलब्धि हासिल गरेको छ, तर वास्तविक सफलता वार्ता र आगामी घटनाक्रमको दिशाले निर्धारण गर्नेछ।” यद्यपि, उनले आन्दोलनमा अवाञ्छित तत्त्वको घुसपैठ र नियन्त्रण गुमाउँदा सिंहदरबारदेखि राष्ट्र बैंकसम्म तोडफोड, आगजनी र लुटपाटजस्ता घटनाले मुलुकलाई गम्भीर क्षति पुर्याएकोमा दुःख व्यक्त गरे। उनले यसलाई योजनाबद्ध रूपमा विभिन्न शक्तिहरूले आफ्नो स्वार्थका लागि प्रयोग गरेको सम्भावना पनि औँल्याए।
श्रेष्ठले आन्दोलनकारीलाई पाँच प्रमुख एजेन्डा स्पष्ट पार्दै अघि बढ्न अपिल गरेका छन्, जसमा राष्ट्रिय सार्वभौमिकताको रक्षा, उन्नत लोकतन्त्रको अभ्यास, प्रत्यक्ष निर्वाचित कार्यकारी प्रमुखसहितको राजनीतिक स्थिरता, सुशासन र भ्रष्टाचारको अन्त्य, तथा शिक्षा, स्वास्थ्य, रोजगारीसहितको सामाजिक न्याय र समृद्धिको बाटोमा अघि बढ्न सुझाव छ।
पूर्वउपप्रधानमन्त्री समेत रहेका श्रेष्ठले वैदेशिक हस्तक्षेपको खतरा बढेको भन्दै सचेत रहन आग्रह गरे। उनले जेन जी आन्दोलनले इतिहासमा अग्रगामी फड्को मार्न सक्ने तर त्यसका लागि राष्ट्रिय हित, लोकतन्त्र र सुशासनलाई शृङ्खलाबद्ध कार्यसूची बनाउनुपर्नेमा जोड दिएका छन्। उनले आगामी अन्तरिम सरकार जेन जी को प्रस्ताव र सहमतिमा बन्नुपर्ने शुभेच्छा समेत व्यक्त गरे।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौँ । सरकारले 'जेनजी आन्दोलन' का शहीद परिवार र घाइतेहरूको पुनस्र्थापना, जीवनयापन तथा सामाजिक संरक्षणका लागि एकीकृत कार्ययोजना अघि बढाएको छ। प्रधानमन्त्री बालेन्द्र शाहले स्वीकृत गरेको यस कार्ययोजनाअनुसार अब सरकारी निकायहरूमा करारमा कर्मचारी नियुक्ति गर्दा शहीद परिवारका एक सदस्य वा घाइतेलाई योग्यता र क्षमताका आधारमा पहिलो प्राथमिकता दिइनेछ।कार्ययोजनामा शहीद परिवार
Loading brands...
