सजिलो पत्रिका
२०८२ साउन २८, बुधबार १३:३१
काठमाडौँ ।
राष्ट्रिय प्रजातन्त्र पार्टी (राप्रपा) निकट युवा संगठनको काठमाडौं जिल्ला अधिवेशनमा दुई पक्षबीच झडप भएको छ । पार्टी अध्यक्ष र नेता डा. धवल शमशेर राणा पक्षधर युवाहरूबीच विवाद चर्किएपछि हात हालाहालको स्थिति सिर्जना भएको हो ।
जानकारी अनुसार, कार्यक्रम औपचारिक रुपमा सुरु हुनुअघि नै धवलशम्शेर राणा पक्षका युवा नेता ज्योति लामाले माइकमा गएर बोल्न थालेका थिए । त्यसलगत्तै, अध्यक्ष लिङ्देन पक्षका केही युवाहरूले मञ्चमा नै उक्लिएर होहल्ला गर्दै उनलाई रोक्ने प्रयास गरेपछि विवाद बढेको थियो ।
दुई पक्षबीचको नोकझोकले उग्र रुप लिँदा धकेलाधकेल र हात हालाहालको अवस्था आएको थियो । अधिवेशनस्थलमा तनाव बढेपछि स्थितिलाई नियन्त्रणमा लिन तत्काल सुरक्षाकर्मी परिचालन गरिएको थियो ।
पछिल्लो समय राप्रपामा अध्यक्ष राजेन्द्र लिङ्देन र पूर्वमहामन्त्री धवलशम्शेर जबराबीच नेतृत्व र कार्यशैलीलाई लिएर विवाद चल्दै आएको छ । सोही विवादको असर पार्टीका भ्रातृ संगठनहरूमा पनि देखिन थालेको यो घटनाले पुष्टि गरेको छ ।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौं । नेपाली काँग्रेसका सभापति गगन थापाले प्रदेश सरकार गठनका सन्दर्भमा तीन ठूला दलहरू (कांग्रेस, एमाले र माओवादी) मिल्नुपर्ने प्रस्तावप्रति कडा विमति प्रकट गरेका छन्। आइतबार ललितपुरमा आयोजित एक कार्यक्रममा बोल्दै थापाले तीन दल मिलेर सरकार बनाउँदा प्रदेश संसद् प्रतिपक्षविहीन हुने र यसले लोकतान्त्रिक मूल्य तथा जनमतको अपमान हुने बताए।थापाले
Loading brands...
