सजिलो पत्रिका
२०८२ साउन १०, शनिबार २०:१९
काठमाडौँ ।
भारतको बिहार राज्यमा मानवतालाई नै कलङ्कित पार्ने एक अत्यन्तै लज्जास्पद घटना सार्वजनिक भएको छ। गया जिल्लामा होमगार्ड भर्तीका लागि दौडिरहेकी एक महिला बेहोस भएपछि उनलाई अस्पताल लैजाने बहानामा एम्बुलेन्सका चालक र प्राविधिकले नै बलात्कार गरेका छन्। प्रहरीले दुवै आरोपीलाई पक्राउ गरिसकेको छ।
घटना शुक्रबारको हो। होमगार्ड भर्तीको दौडमा सहभागी महिला अचानक बेहोस भएर लडेकी थिइन्। तत्काल उपचारका लागि अस्पताल लैजान एम्बुलेन्स बोलाइयो। तर, पीडितलाई सहयोग गर्नुको साटो एम्बुलेन्सका चालक विनय कुमार र प्राविधिक अजित कुमारले अस्पताल पुर्याउने क्रममा बाटोमै चलिरहेको एम्बुलेन्सभित्र उनको बलात्कार गरे।
पीडित महिलाले अस्पताल पुगेपछि चिकित्सकलाई आफूमाथि भएको घटनाबारे जानकारी गराएकी थिइन्। एसएसपी आनन्द कुमारले एक विज्ञप्ति जारी गर्दै घटनाबारे जानकारी प्राप्त हुनासाथ प्रहरी टोली तत्काल परिचालन भएको बताए। घटनास्थलमा जडान गरिएको सीसीटीभी क्यामेराको फुटेजको मद्दतले आरोपीहरूको पहिचान गरी जानकारी पाएको दुई घण्टाभित्रै दुवैलाई पक्राउ गरिएको उनले बताए।
यस घटनाबारे बोधगया प्रहरी चौकीमा मुद्दा दर्ता गरिएको छ। एसएसपी कुमारले मुद्दाको गम्भीरतापूर्वक अनुसन्धान गरी छिट्टै आरोपपत्र दायर गरिने प्रतिबद्धता जनाए। यो घटनाले सहयोगीको भूमिकामा रहेका व्यक्तिहरूको नैतिकता र सुरक्षा प्रणालीमाथि नै गम्भीर प्रश्न खडा गरेको छ।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौं । भारतमा प्रश्नपत्र चुहावट र शिक्षा प्रणालीमा सुधारको माग गर्दै युवा नेतृत्वको ‘कक्रोच’ आन्दोलनले उग्र रूप लिएको छ। सोमबार हजारौँ प्रदर्शनकारीहरू राजधानी नयाँदिल्लीको जन्तरमन्तरमा भेला भई संसद् भवनतर्फ मार्च गर्ने प्रयास गरेका छन्। संसद्को मनसुन अधिवेशन जारी रहेकाले प्रहरीले सुरक्षाको कारण देखाउँदै मार्चको अनुमति नदिएपछि दिल्लीको सुरक्षा व्यवस्था अत्यन्त
लोड भइरहेको छ...
Loading brands...
