सजिलो पत्रिका
२०८२ साउन ०१, बिहिबार ११:११
बंगलादेशको गोपालगञ्ज शहरमा बुधबार एक राजनीतिक र्यालीका क्रममा हिंसा भड्किँदा प्रहरीले चलाएको गोली लागेर कम्तीमा चार जनाको मृत्यु भएको छ भने नौ जना घाइते भएका छन् । यो घटना पूर्वप्रधानमन्त्री शेख हसिनाको गृहजिल्लामा भएको हो ।
बंगलादेशको समाचार संस्था ‘प्रोथोम आलो’का अनुसार, नेसनल सिटिजन पार्टी (एनसीपी) आबद्ध युवाहरूले आयोजना गरेको र्यालीका क्रममा सत्तारुढ अवामी लीगका समर्थक र प्रहरीबीच झडप भएको थियो । प्रदर्शनकारीहरूले प्रहरी र स्थानीय प्रशासन प्रमुखको सवारीसाधनमा तोडफोड गर्नुका साथै एनसीपीको जुलुसमाथि पनि आक्रमण गरेका थिए ।
भिडलाई नियन्त्रणमा लिन सुरक्षाबलले गोली चलाएको थियो । स्थितिलाई नियन्त्रणमा लिन अश्रुग्यास र साउन्ड ग्रिनेडसमेत प्रयोग गरिएको थियो । हिंसामा मारिएका मध्ये तीन जनाको पहिचान दीप्टो साहा, रमजान काजी र सोहेल मोल्लाका रूपमा भएको छ । चिकित्सकहरूका अनुसार उनीहरूलाई गम्भीर घाइते अवस्थामा गोपालगञ्ज जनरल अस्पताल ल्याइएकोमा उपचारका क्रममा मृत्यु भएको थियो ।
हिंसात्मक घटनाका बाबजुद पनि एनसीपीले आफ्नो र्याली सम्पन्न गरेको छ । नेताहरूले क्षतिग्रस्त मञ्च र बिग्रिएको साउन्ड सिस्टमबाटै आफ्ना कार्यकर्ताहरूलाई सम्बोधन गरेका थिए ।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौं । भारतमा प्रश्नपत्र चुहावट र शिक्षा प्रणालीमा सुधारको माग गर्दै युवा नेतृत्वको ‘कक्रोच’ आन्दोलनले उग्र रूप लिएको छ। सोमबार हजारौँ प्रदर्शनकारीहरू राजधानी नयाँदिल्लीको जन्तरमन्तरमा भेला भई संसद् भवनतर्फ मार्च गर्ने प्रयास गरेका छन्। संसद्को मनसुन अधिवेशन जारी रहेकाले प्रहरीले सुरक्षाको कारण देखाउँदै मार्चको अनुमति नदिएपछि दिल्लीको सुरक्षा व्यवस्था अत्यन्त
लोड भइरहेको छ...
Loading brands...
