सजिलो पत्रिका
२०८२ असार ०४, बुधबार २०:२९
काठमाडौँ,असार ४ ।
सशस्त्र प्रहरी बलले को ठोरी नाकाबाट अवैध रूपमा भारत हुँदै खाडी मुलुक जान लागेका चार महिला र एक पुरुषलाई नियन्त्रणमा लिएको छ। मानव बेचबिखनको आशंकामा उनीहरूलाई पक्राउ गरिएको हो।
सशस्त्र प्रहरी बल नेपाल, बोर्डर आउट पोस्ट (बीओपी) ठोरीबाट खटिएको टोलीले शंका लागेर जाँच गर्दा उनीहरू पक्राउ परेका हुन्। पक्राउ पर्ने महिलाहरू कुवेत र ओमान जानका लागि नयाँ दिल्लीको बाटो प्रयोग गर्न लागेको खुलेको छ।
बीओपी ठोरीका सशस्त्र प्रहरी निरीक्षक प्रेम राउतका अनुसार पक्राउ परेकामध्ये इलामका दुई महिला ओमन र रोल्पाका दुई महिला नयाँ दिल्ली हुँदै खाडी मुलुक जान लागेको प्रारम्भिक सोधपुछमा खुलेको छ। उनीहरूलाई भारत लैजान लागेको आरोपमा चितवनको माडी नगरपालिका–८ का दिपक खड्कालाई पनि नियन्त्रणमा लिइएको उनले जानकारी दिए।
सशस्त्र प्रहरीले इलामका महिलाहरूको साथबाट भिसा नलागेका दुईवटा राहदानी पनि बरामद गरेको छ। पक्राउ परेका पाँचै जनालाई आवश्यक अनुसन्धान र कारबाहीका लागि इलाका प्रहरी कार्यालय ठोरीलाई बुझाउने तयारी भइरहेको सशस्त्र प्रहरीले जनाएको छ।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौं । प्रधानमन्त्री बालेन्द्र शाह (बालेन)ले स्वदेशी जुत्ताचप्पल उद्योगको प्रवर्द्धन, ब्रान्डिङ र बजार विस्तारका लागि सरकारले निजी क्षेत्रलाई प्रोत्साहन गर्ने बताएका छन्। शुक्रबार प्रधानमन्त्री तथा मन्त्रिपरिषद्को कार्यालयमा फुटवेयर म्यानुफ्याक्चरर्स एसोसिएसन अफ नेपाल (एफएमएएन) का पदाधिकारीहरूसँगको छलफलमा उनले यस्तो प्रतिबद्धता व्यक्त गरेका हुन्।प्रधानमन्त्री शाहले आयात प्रतिस्थापन र रोजगारी सिर्जनाका लागि सरकारले
Loading brands...
