सजिलो पत्रिका
२०८२ असार ०४, बुधबार १७:४०
कारागारभित्र बिरामी परेका हरिशलाई सोमबार राति साढे ११ बजेतिर उपचारका लागि सेती प्रादेशिक अस्पताल लगिएको थियो । चिकित्सकले उनलाई राति सवा १२ बजे मृत घोषणा गरेका थिए ।
काठमाडौँ । बैंकिङ कसुर मुद्दामा १० दिन कैद सजाय तोकिएका एक कैदीको मृत्यु भएको छ । कैलालीमा कारागार चलान भएको दोस्रो दिनमै २८ वर्षीय व्यवसायी हरिशसिंह पालीको असार २ गते राति मृत्यु भएको हो ।
बैंकिङ कसुर मुद्दामा उनलाई कैलाली कारागारमा असार १ गते चलान गरिएको थियो । डडेल्धुराको भागेश्वर गाउँपालिका–५ का हरिश जेठ २९ गते डडेल्धुराको अमरगढी नगरपालिका–५, स्थित तुफानडाँडाबाट पक्राउ परेका थिए ।
उनलाई फैसला कार्यान्वयनका लागि कैलाली कारागार चलान गरिएको थियो । जेठ ३१ गते शनिबार परेकाले प्रहरीले उनलाई असार १ गतेमात्रै अदालत पेस गरेको थियो ।
अदालतको आदेशले तोकिएको सजाय भुक्तानीका लागि सोहीदिन कैलाली कारागार चलान गरेको थियो । तर, कारागार चलान भएको दोस्रो दिनमै उनको मृत्यु भएको हो ।
कारागारभित्र बिरामी परेका हरिशलाई सोमबार राति साढे ११ बजेतिर उपचारका लागि सेती प्रादेशिक अस्पताल लगिएको थियो । चिकित्सकले उनलाई राति सवा १२ बजे मृत घोषणा गरेका थिए ।
जिल्ला प्रहरी कार्यालय कैलालीका डीएसपी राजकुमार सिंहले कारागारभित्र बिरामी परेर अस्पलाल ल्याउँदा मृत्यु भएको बताए ।
‘कारागारभित्र बिरामी परेका कैदीलाई अस्पताल ल्याउँदा मृत्यु भएको हो । के कारणले मृत्यु भयो भन्नेबारे पोस्टमार्टम रिपोर्ट आएपछि मात्रै थाहा हुन्छ,’’ उनले भने ।
पीडितको परिवारले हरिशको मृत्यु शंकास्पद रहेको बताएको छ । उनीहरू छानबिनको माग गर्दै प्रदर्शन गरेका छन् ।
कैलाली जिल्ला अदालतले ०८० फागुन २९ गते बैंकिङ कसुर मुद्दामा उनलाई १० दिन कैद र दुई लाख जरिवानाको फैसला सुनाएको थियो । उनीविरुद्ध जिल्ला प्रहरी कार्यालय कैलालीमै कार्यरत प्रहरी नायब निरीक्षक हरिजित नाथले उजुरी दिएका थिए ।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौँ।कुमारी बैंक लिमिटेडले बाजुराको गौमूल गाउँपालिकाका ६ वटा सामुदायिक विद्यालयलाई स्मार्ट टेलिभिजन हस्तान्तरण गरेको छ । बैंकले संस्थागत सामाजिक उत्तरदायित्व कार्यक्रमअन्तर्गत शिक्षा क्षेत्रमा योगदान पुर्याउने उद्देश्यले स्मार्ट टेलिभिजन उपलब्ध गराएको जनाएको छ ।बैंकको गौमुल शाखामार्फत गाउँपालिकासँगको समन्वयमा सञ्चालन गरिएको उक्त कार्यक्रमबाट ग्रामीण तथा दुर्गम भेगका विद्यालयमा सूचना तथा सञ्चार प्रविधिमा
लोड भइरहेको छ...
Loading brands...
