बुद्ध एयरले भित्र्यायो अत्याधुनिक एटीआर–७२–६०० विमान

सजिलो पत्रिका

२०८३ साउन ०९, शनिबार ०९:३१

बुद्ध एयरले फ्रान्सबाट अत्याधुनिक एटीआर–७२–६०० नयाँ विमान नेपाल भित्र्याएको छ।
नयाँ विमानमा कम भिजिबिलिटीमा पनि सुरक्षित अवतरण गर्न सकिने आधुनिक आरएनपी–एआर प्रविधि जडान गरिएको छ।
कम्पनीले आगामी महिनाहरूमा थप तीनवटा एटीआर–७२–६०० विमान भित्र्याउने योजना बनाएको छ।

समाचार सारांशGenerated using AI.

काठमाडौँ । बुद्ध एयरले फ्रान्सको तुलुसबाट अत्याधुनिक एटीआर–७२–६०० सिरिजको नयाँ विमान (कल साइन ९ एन–एओएस) भित्र्याएको छ। यो विमानमा आधुनिक नेभिगेशन प्रणाली, डिजिटल फ्लाइट म्यानेजमेन्ट र उन्नत सुरक्षा प्रणाली जडान गरिएको छ। आवश्यक प्रक्रिया पूरा गरी अर्को महिनादेखि यसले व्यावसायिक उडान सुरु गर्ने कम्पनीले जनाएको छ।

यस विमानको मुख्य विशेषता 'आरएनपी–एआर' एप्रोच प्रणाली हो, जसको सहयोगले काठमाडौं र भैरहवा विमानस्थलमा करिब ९०० मिटरको कम भिजिबिलिटीमा पनि सुरक्षित अवतरण गर्न सकिन्छ। हाल प्रचलित 'आइएलएस' प्रणालीका लागि १६०० मिटर भिजिबिलिटी आवश्यक पर्छ। यो प्रविधिले खराब मौसमका कारण हुने उडान ढिलाइ र अवरोधहरू उल्लेख्य रूपमा घटाउने बुध्द एयरको विश्वास छ।

कम्पनीले आगामी अगष्टको अन्त्यसम्ममा थप एउटा र त्यसपछिका केही महिनाभित्र अरू दुईवटा गरी कुल चारवटा एटीआर–७२–६०० विमान भित्र्याउने योजना बनाएको छ। हाल बुध्द एयरसँग एउटा एटीआर–४२ र १६ वटा एटीआर–७२ गरी कुल १७ वटा विमान रहेका छन्। विमान थपिएसँगै हवाई सेवाको गुणस्तर र विश्वसनीयता अझ बढ्ने अपेक्षा गरिएको छ।

यो समाचारमा

बुद्ध एयर

ट्यागहरू

#बुध्द एयर

यो खबर पढेर तपाईलाई कस्तो महसुस भयो ?

कुल मतदान: 0

सम्बन्धित समाचार

पोखरामा विदेश भ्रमणको प्रलोभन देखाएर ठगी गर्ने भारतीयसहित दुई पक्राउ

काठमाडौँ । कास्की प्रहरीले पोखरामा अनलाइनमार्फत ठगी गरेको आरोपमा एक भारतीय नागरिकसहित दुई जनालाई पक्राउ गरेको छ। पक्राउ पर्नेमा सप्तरीका २६ वर्षीय विवेक रेग्मी र भारतको कर्नाटकका ३० वर्षीय मोहम्मद यासिर रहेका छन्।प्रहरीका अनुसार उनीहरूले पोखरा-५ प्रस्याङमा घर भाडामा लिएर 'ओएसिस टुरिजम इन्टरनेसनल' नामक संस्था सञ्चालन गरी ठगी धन्दा चलाइरहेका