सजिलो पत्रिका
२०८३ असार २२, सोमबार १२:०३
एजेन्सी ।फिफा विश्वकपको अन्तिम १६ मा नर्वेसँग २-१ ले पराजित हुँदै ब्राजिलप्रतियोगिताबाट बाहिरिएपछि स्टार फरवार्ड नेयमारले आफ्नो अन्तर्राष्ट्रिय फुटबल यात्रा समाप्त भएको संकेत गरेका छन् । खेलपछि भावुक देखिएका उहान अब ब्राजिलको राष्ट्रिय टोलीबाट आफ्नो यात्रा टुंगिएको संकेत दिएका हुन् ।
मेटलाइफ स्टेडियममा दोस्रो हाफमा वैकल्पिक खेलाडीका रूपमा मैदान प्रवेश गरेका ३४ वर्षीय नेयमारले इन्जुरी समयमा पेनाल्टीमार्फत एक गोल फर्काएका थिए । तर नर्वेका अर्लिङ हालान्डको दुई गोलले ब्राजिलको पुनरागमन सम्भव हुन सकेन ।
खेलपछि ब्राजिलको ग्लोबो एस्पोर्टेसँग कुरा गर्दै नेयमारले भने, ‘मैले धेरै प्रयास गरेँ । अब यो समाप्त भयो । मेरो यात्रा यहीँबाट सुरु भएको थियो र यहीँ अन्त्य भयो ।’ अन्तिम सिटी बज्नासाथ उनी भावुक हुँदै आँसुमा डुब्नुभएको थियो भने टोलीका खेलाडीहरूले उनलाई सान्त्वना दिएका थिए ।
ब्राजिलका सर्वाधिक गोलकर्ता नेयमारले सन् २०१० मा यही मेटलाइफ स्टेडियममा अमेरिकाविरुद्ध २-० को जितमा राष्ट्रिय टोलीका लागि पहिलो गोल गरेका थिए । त्यसै मैदानमा सम्भावित अन्तिम अन्तर्राष्ट्रिय खेल खेल्नु उनका लागि विशेष संयोग बनेको छ ।
पछिल्ला केही वर्ष चोटपटकका कारण लगातार समस्यामा परेका पूर्व बार्सिलोना र पेरिस सेन्ट-जर्मेनका खेलाडी हाल आफ्नो पुरानो क्लब सान्तोसबाट खेलिरहेका छन् । चोटकै कारण उनले विश्वकपका सुरुआती दुई समूह खेल गुमाएका थिए । त्यसपछि स्कटल्यान्डविरुद्धको खेलमा मैदान फर्किएका उनको प्रतियोगितामा दोस्रो तथा सम्भावित अन्तिम उपस्थिति नर्वेविरुद्ध रह्यो । अक्टोबर २०२३ यता यो उनको पहिलो अन्तर्राष्ट्रिय पुनरागमन पनि थियो ।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौँ।कुमारी बैंक लिमिटेडले बाजुराको गौमूल गाउँपालिकाका ६ वटा सामुदायिक विद्यालयलाई स्मार्ट टेलिभिजन हस्तान्तरण गरेको छ । बैंकले संस्थागत सामाजिक उत्तरदायित्व कार्यक्रमअन्तर्गत शिक्षा क्षेत्रमा योगदान पुर्याउने उद्देश्यले स्मार्ट टेलिभिजन उपलब्ध गराएको जनाएको छ ।बैंकको गौमुल शाखामार्फत गाउँपालिकासँगको समन्वयमा सञ्चालन गरिएको उक्त कार्यक्रमबाट ग्रामीण तथा दुर्गम भेगका विद्यालयमा सूचना तथा सञ्चार प्रविधिमा
Loading brands...
