सजिलो पत्रिका
२०८३ जेठ ०९, शनिबार १०:३६
बस्तीमा हात्तीको रजगज: कोशीटप्पु वन्यजन्तु आरक्ष आसपासका कोशी र लौकही क्षेत्रमा एक सातायता जङ्गली हात्तीहरू दैनिक रूपमा बस्ती छिरेर आतङ्क मच्चाइरहेका छन्, जसका कारण स्थानीय बासिन्दाहरू राति ढुक्कले सुत्न पाएका छैनन्।
आरक्षमा १२ वटा जङ्गली हात्ती: भारतको आसाम र पश्चिम बङ्गालबाट झापा हुँदै कोशीटप्पु आइपुगेका मत्ता (भाले) हात्तीहरू आरक्षमा रहेका पोथी हात्तीहरूसँग संसर्गका लागि आउने र रैथाने बन्ने गरेका छन्। हाल आरक्षभित्र यस्ता १२ वटा हात्ती रहेका छन्।
धनजन र बालीनालीको व्यापक क्षति: आरक्षको पर्खाल भत्काएर निस्कने हात्तीको समूहले सुनसरी र सप्तरीतर्फका कमलपुर तथा भागलपुरका किसानको बालीनाली पूर्ण रूपमा नष्ट गरिदिएका छन्। यस क्षेत्रमा हात्तीको आक्रमणबाट बर्सेनि दर्जन बढी मानिस हताहत हुने गरेका छन्।
हात्तीसारकै सुरक्षामा चुनौती: छाडा रूपमा हिँड्ने जङ्गली हात्तीले आरक्षको आफ्नै हात्तीसारमा बाँधिएका घरपालुवा हात्ती र तिनका माउतेहरूको सुरक्षामा समेत गम्भीर खतरा पैदा गरिदिएका छन्।
सौर्य तारवार (सोलर फेन्सिङ) को माग: आरक्ष प्रशासनले हात्ती धपाउन ट्याक्टरको प्रयोग गरिरहेको भए पनि त्यो पर्याप्त नभएको स्थानीयको गुनासो छ। केही क्षेत्रमा जडान गरिएको सोलर फेन्सी (सौर्य तारवार) प्रभावकारी देखिएकाले यसलाई बस्तीभरि विस्तार गर्न माग गरिएको छ।
इनरुवा नगरपालिका, जेठ ९ गते ।
सुनसरीको कोशी गाउँपालिका क्षेत्रमा पर्ने कोशीटप्पु वन्यजन्तु आरक्षमा आएको जङ्गली हात्ती गाउँ पसेपछि स्थानीय त्रसित बनेका छन् ।
एक सातायता दैनिक जसो जङ्गली हात्ती गाउँमा देखिन थालेपछि स्थानीय रातभर जाग्राम बस्नुपर्ने अवस्था आएको हो। कोशी गाउँपालिका–३ का वडाध्यक्ष सुलेमान मन्सुरीलका अनुसार कोशी क्षेत्रका नागरिकले दशकौँदेखि अर्ना, हात्ती, बँदेल जस्ता जङ्गली जनावरको आतङ्क खेपिरहनु परेको भए पनि सरकार र सम्बन्धित निकायले समस्या समाधानमा दीर्घकालीन ध्यान दिएको छैन ।
हात्तीको आक्रमणबाट यस क्षेत्रमा वार्षिक १२ देखि १४ जना मानिस घाइते हुने, अङ्गभङ्ग हुने वा ज्यानै गुमाउनु पर्ने स्थिति रहेको स्थानीय पत्रकार पवन रौनियारले बताउनुभयो । आरक्षका प्रमुख संरक्षण अधिकृत भुनेन्द्रकुमार यादवका अनुसार हाल आरक्षभित्र १२ वटा जङ्गली हात्ती घुमफिर गरिरहेका छन्। आरक्षको हात्तीसारमा पालिएका पोथी हात्तीको खोजीमा जङ्गली हात्तीहरू आउने गरेको र पछिल्लो केही महिनादेखि ४-५ वटा हात्ती आरक्षमै अड्डा जमाएर बसेका छन्। ती हात्तीले आरक्षको पर्खाल भत्काउने र सप्तरीतर्फ कोशी पश्चिमका कमलपुर, भागलपुर लगायतका क्षेत्रमा किसानको बाली नष्ट गरिरहेका छन्।
आरक्ष प्रशासनले ट्याक्टर र अन्य घरेलु उपाय प्रयोग गरी हात्ती धपाउने प्रयास गरिरहेको जनाएको छ।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौँ । राष्ट्रपति रामचन्द्र पौडेलले विकास निर्माणको केन्द्रमा मानव र प्रकृतिलाई राख्नुपर्नेमा जोड दिएका छन्। नेपाल इन्जिनियर्स एसोसिएसनको ६४औँ वार्षिकोत्सवलाई सम्बोधन गर्दै उनले विकासको अवधारणा जनताको कल्याण र मुलुकको समृद्धिसँग जोडिनुपर्ने बताए।जलवायु परिवर्तनको बढ्दो चुनौतीलाई मध्यनजर गर्दै अबका पूर्वाधारहरू दिगो, पर्यावरणमैत्री र 'हरित विकास' को सिद्धान्तमा आधारित हुनुपर्ने राष्ट्रपतिको भनाइ
Loading brands...
