काठमाडौँनेपाली काँग्रेसका सचेतक
निश्कल राईले सरकारले ल्याएको नीति तथा कार्यक्रममाथिको छलफलमा प्रधानमन्त्री अनुपस्थित रहे विपक्षी दलहरूको विरोध जारी रहने बताएका छन्। प्रतिनिधिसभाको बिहीबारको बैठकमा बोल्दै उनले प्रधानमन्त्री
बालेन्द्र शाह (बालेन) प्रश्नबाट भागेर लोकतान्त्रिक अभ्यासलाई कमजोर बनाउने काम गरिरहेको आरोप लगाए।
सांसद राईले प्रधानमन्त्रीले संसदलाई चिया चौतारीजस्तो ठानेर मन लागे आउने र मन नलागे नआउने व्यवहार देखाउनु गम्भीर विषय भएको बताए। उनले कार्यकारी प्रमुखले संसदजस्तो संवैधानिक संस्थालाई बेवास्ता गर्नु दुःखद भएको टिप्पणी गरे।
उनले प्रधानमन्त्री देशभित्रै रहेर पनि संसद भवन नजिकैका कार्यक्रममा उपस्थित हुने तर सदनमा नआउने अवस्थाप्रति प्रश्न उठाउँदै यस्तो व्यवहारलाई स्वीकार गर्न नसकिने बताए। राईले प्रधानमन्त्रीले संसदमा उपस्थित नभए विपक्षीहरूको विरोध निरन्तर जारी रहने चेतावनी पनि दिएका छन्।
