सजिलो पत्रिका
२०८३ वैशाख २९, मङ्गलबार १४:२५
काठमाडौँ
नेपाली काँग्रेसका संसदीय दलका नेता भीष्म राज आङदेम्बेले वर्तमान सरकारको कार्यशैलीलाई ‘अस्वाभाविक र असंसदीय’ भन्दै कडा आलोचना गरेका छन्। उनले अध्यादेशमार्फत शासन चलाउने प्रयास भइरहेको आरोप लगाउँदै यस्तो प्रवृत्तिलाई कांग्रेसले समर्थन गर्न नसक्ने स्पष्ट पारे।
मंगलबार प्रतिनिधिसभा बैठकमा सम्बोधन गर्दै उनले संसदको अधिकार खोसिने गरी ठूलो संख्यामा कानुनहरू अध्यादेशमार्फत ल्याइएको भन्दै यसले संसदीय मर्यादा र लोकतान्त्रिक मूल्यमा गम्भीर चोट पुगेको बताए।
आङ्देम्बेले सुकुम्बासी र गरिब बस्तीमाथि राज्यले गरेको कारबाहीलाई कठोर भन्दै सरकारलाई जनताप्रति संवेदनहीन भएको टिप्पणी गरे। उनले सरकारलाई ‘अभिभावक होइन यमदूतजस्तो’ व्यवहार गरेको आरोप लगाए।
उनले सरकार आफ्ना मन्त्रीहरूमाथि लागेका गम्भीर आरोपहरूको छानबिन गर्न हिच्किचाएको भन्दै प्रश्न उठाए। साथै, विभिन्न आयोगका प्रतिवेदनहरू कार्यान्वयनमा नआएको भन्दै राज्यको जवाफदेहितामाथि पनि शंका व्यक्त गरे।
आङ्देम्बेले प्रधानमन्त्रीले संसदमा नीति तथा कार्यक्रम प्रस्तुत भइरहँदा बीचमै बाहिरिनु ‘अमर्यादित व्यवहार’ भएको टिप्पणी गरे। उनले संविधान संशोधनका लागि सर्वोच्च अदालतका पूर्व वा बहालवाला न्यायाधीशको संयोजकत्वमा सर्वपक्षीय आयोग गठन गर्नुपर्ने कांग्रेसको धारणा रहेको बताए।
उनले सरकारको नीति तथा कार्यक्रम र बजेटबीच तालमेल नदेखिएको भन्दै परिणाममुखी बजेट निर्माण गर्नुपर्नेमा जोड दिए। साथै, देशको अर्थतन्त्र कमजोर अवस्थामा रहेको र सार्वजनिक ऋणले थप चुनौती सिर्जना गरेको उल्लेख गरे।
समग्रमा, आङ्देम्बेले सरकारको कार्यशैली, नीति तथा कार्यक्रम र शासन पद्धतिप्रति गम्भीर असन्तुष्टि व्यक्त गर्दै लोकतान्त्रिक अभ्यास र संसदीय प्रक्रियालाई बलियो बनाउन आग्रह गरेका छन्।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौं । नेपाली काँग्रेसका सभापति गगन थापाले प्रदेश सरकार गठनका सन्दर्भमा तीन ठूला दलहरू (कांग्रेस, एमाले र माओवादी) मिल्नुपर्ने प्रस्तावप्रति कडा विमति प्रकट गरेका छन्। आइतबार ललितपुरमा आयोजित एक कार्यक्रममा बोल्दै थापाले तीन दल मिलेर सरकार बनाउँदा प्रदेश संसद् प्रतिपक्षविहीन हुने र यसले लोकतान्त्रिक मूल्य तथा जनमतको अपमान हुने बताए।थापाले
Loading brands...
