सजिलो पत्रिका
२०८३ वैशाख २०, आइतबार १४:००
काठमाडौँ
सहरी विकास मन्त्रालयले नदी किनारका जोखिमयुक्त बस्ती स्थानान्तरणका क्रममा छुटेका तथा समस्यामा परेका नागरिकलाई तत्काल सम्पर्कमा आउन आग्रह गरेको छ। मन्त्रालयले सहायता आवश्यक भएका र हाल अलपत्र परेका नागरिकलाई तोकिएको केन्द्रमा सम्पर्क गर्न अनुरोध गरेको हो।
मन्त्रालयका अनुसार काठमाडौँको त्रिपुरेश्वरस्थित दशरथ रंगशालामा प्राथमिक दर्ता केन्द्र स्थापना गरिएको छ। उक्त केन्द्रमा उपस्थित भएर आवश्यक विवरण दर्ता गराउन सम्बन्धित नागरिकलाई आग्रह गरिएको छ।
सरकारले वास्तविक भूमिहीन नागरिकको पहिचानका लागि डिजिटल लगत संकलनको काम पनि अघि बढाइरहेको जनाएको छ। दर्ता भएका नागरिकलाई सरकारद्वारा स्थापना गरिएका होल्डिङ सेन्टरमा व्यवस्थित रूपमा राखिने व्यवस्था मिलाइएको छ।
होल्डिङ सेन्टरमा आवास, भोजन, स्वास्थ्य सेवा, बालबालिकाको शिक्षा तथा मनोवैज्ञानिक परामर्शजस्ता आधारभूत सेवा निःशुल्क उपलब्ध गराइने मन्त्रालयले जनाएको छ।
आर्थिक रूपमा कमजोर र आफैं व्यवस्थापन गर्न असमर्थ नागरिकलाई सरकारी सेवाको उपयोग गर्न आग्रह गर्दै मन्त्रालयले वास्तविक सुकुमबासी र भूमिहीनलाई प्राथमिकतामा राखेर समस्या समाधान गरिने बताएको छ। सरकारले सुरक्षित, व्यवस्थित र दीर्घकालीन पुनर्स्थापनाका लागि पूर्ण रूपमा प्रतिबद्ध रहेको पनि स्पष्ट पारेको छ।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौं । प्रधानमन्त्री बालेन्द्र शाह (बालेन)ले देशको आर्थिक विकास र समृद्धिका लागि पुँजी बजारको महत्त्वपूर्ण भूमिका रहेको बताएका छन् ।आज प्रधानमन्त्री तथा मन्त्रिपरिषद्को कार्यालयमा सरोकारवाला र नियमनकारी निकायका व्यक्तिसँग छलफल गर्दै प्रधानमन्त्री शाहले पुँजी बजारमार्फत उद्यमशीलताको विकास र रोजगारी सिर्जना गर्ने कार्य मुख्य प्राथमिकतामा रहेको बताएका हुन् ।प्रधानमन्त्री शाहले व्यवसायीलाई
लोड भइरहेको छ...
Loading brands...
