सजिलो पत्रिका
२०८३ वैशाख ११, शुक्रबार १३:४१
काठमाडौँ
नेपाल कम्युनिष्ट पार्टी (एमाले)की राष्ट्रिय सभा सदस्य राम कुमारी झाँक्रीले लोकतन्त्रपछि सही बाटो निर्धारण गर्न राजनीतिक नेतृत्व नै चुकेको बताएकी छन्।
लोकतन्त्र दिवसका अवसरमा रातोपाटीसँगको कुराकानीमा उनले २०६२/६३ को जनआन्दोलनपछि संविधान निर्माण, राजतन्त्रको अन्त्य र शान्ति प्रक्रियामा रूपान्तरण जस्ता ऐतिहासिक उपलब्धि हासिल भए पनि आर्थिक र सामाजिक रूपान्तरणको दिशामा अपेक्षित प्रगति हुन नसकेको बताइन्।
झाक्रीका अनुसार लोकतन्त्रले नागरिक अधिकार विस्तार गर्दै सीमान्तकृत समुदायलाई राज्यको हिस्सा बनाएको भए पनि व्यवहारिक रूपमा समावेशिता र समानताको लक्ष्य पूर्ण रूपमा कार्यान्वयन हुन सकेको छैन। उनले क्रान्तिपछि दुई विकल्प रहेको उल्लेख गर्दै राष्ट्रिय पुँजी निर्माण, रोजगारी सिर्जना र आत्मनिर्भर अर्थतन्त्रतर्फ जानुपर्ने बाटो नसमातिएको टिप्पणी गरिन्।
उनले बजारमुखी अर्थतन्त्रमा बढी निर्भर हुँदा बिचौलिया र दलाल पुँजीको प्रभाव बढेको भन्दै राज्यका संरचना नै कमजोर बनेको आरोप लगाइन्। सार्वजनिक उद्योगधन्दा कमजोर हुँदा रोजगारी सिर्जना हुन नसकेको र वैदेशिक रोजगारीमा निर्भरता बढेको उनको भनाइ छ।
राजनीतिक परिवर्तन सफल भए पनि आर्थिक र संरचनागत सुधारमा कमजोरी भएको बताउँदै झाक्रीले सहकारी, निजीकरण र सुशासनका क्षेत्रमा देखिएका समस्याले प्रणालीमै प्रश्न उठाएको उल्लेख गरिन्।
उनले अहिलेको राजनीतिक प्रणाली पूर्ण रूपमा लोकतान्त्रिक भए पनि यसको प्रभावकारी कार्यान्वयनमा चुनौती रहेको बताइन्। संघीय, प्रदेश र स्थानीय तहले आफ्नो अधिकार प्रयोग गर्न नसक्दा लोकतन्त्रको अभ्यास कमजोर देखिएको उनको निष्कर्ष छ।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौं । प्रधानमन्त्री बालेन्द्र शाह (बालेन)ले देशको आर्थिक विकास र समृद्धिका लागि पुँजी बजारको महत्त्वपूर्ण भूमिका रहेको बताएका छन् ।आज प्रधानमन्त्री तथा मन्त्रिपरिषद्को कार्यालयमा सरोकारवाला र नियमनकारी निकायका व्यक्तिसँग छलफल गर्दै प्रधानमन्त्री शाहले पुँजी बजारमार्फत उद्यमशीलताको विकास र रोजगारी सिर्जना गर्ने कार्य मुख्य प्राथमिकतामा रहेको बताएका हुन् ।प्रधानमन्त्री शाहले व्यवसायीलाई
लोड भइरहेको छ...
Loading brands...
