सजिलो पत्रिका
२०८२ चैत १०, मङ्गलबार ११:३२
कोलम्बियामा एक सैन्य विमान उड्ने क्रममा दुर्घटना हुँदा ६६ जनाको मृत्यु भएको छ। पेरुसँगको सीमा क्षेत्रमा रहेको पुएर्तो लेगुइजामोबाट उड्न लाग्दा 'हर्कुलस सी-१३०' नामक विमान धावनमार्गको अन्तिम बिन्दुमा ठोक्किएर दुर्घटनाग्रस्त भएको हो।
सशस्त्र बलका प्रमुख ह्युगो अलेजान्ड्रो लोपेजका अनुसार विमानमा १२८ जना सवार थिए, जसमा ११५ सैनिक, ११ वायुसेना सदस्य र २ प्रहरी अधिकारी रहेका थिए। दुर्घटनामा ५७ जना घाइते भएका छन् भने ४ जना अझै बेपत्ता छन्। विमान खस्ने क्रममा आगलागी भएको र भित्र रहेका विस्फोटक पदार्थहरू पड्किएका कारण ठूलो क्षति भएको बताइएको छ।
भौगोलिक विकटताका कारण सुरुमा स्थानीय बासिन्दाले घाइतेहरूलाई मोटरसाइकलमार्फत अस्पताल पुर्याएर उद्धार सुरु गरेका थिए। हाल घाइतेहरूको विभिन्न सैनिक क्लिनिक र अस्पतालमा उपचार भइरहेको छ भने बेपत्ताहरूको खोजी कार्य जारी रहेको त्यहाँका रक्षामन्त्री पेड्रो सान्चेजले जानकारी दिएका छन्।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौं । भारतमा प्रश्नपत्र चुहावट र शिक्षा प्रणालीमा सुधारको माग गर्दै युवा नेतृत्वको ‘कक्रोच’ आन्दोलनले उग्र रूप लिएको छ। सोमबार हजारौँ प्रदर्शनकारीहरू राजधानी नयाँदिल्लीको जन्तरमन्तरमा भेला भई संसद् भवनतर्फ मार्च गर्ने प्रयास गरेका छन्। संसद्को मनसुन अधिवेशन जारी रहेकाले प्रहरीले सुरक्षाको कारण देखाउँदै मार्चको अनुमति नदिएपछि दिल्लीको सुरक्षा व्यवस्था अत्यन्त
लोड भइरहेको छ...
Loading brands...
