सजिलो पत्रिका
२०८२ चैत ०८, आइतबार १७:१२
प्रतिनिधि सभामा प्रतिनिधित्व गर्ने दुई राष्ट्रिय मान्यता प्राप्त दलहरू राष्ट्रिय प्रजातन्त्र पार्टी (राप्रपा) र श्रम संस्कृति पार्टीले प्रमुख सचेतकको सरकारी सुविधा नपाउने भएका छन्। संघीय संसद्का पदाधिकारी तथा सदस्यहरूको पारिश्रमिक र सुविधा सम्बन्धी ऐनअनुसार प्रतिनिधि सभामा कम्तीमा १० सदस्य भएका दलले मात्र प्रमुख सचेतकको सुविधा पाउने व्यवस्था छ।
हाल प्रतिनिधि सभामा श्रम संस्कृति पार्टीका ७ र राप्रपाका ५ जना मात्र सांसद रहेकाले उनीहरू यो सुविधाका लागि अयोग्य भएका हुन्। अन्य दलहरूमध्ये राष्ट्रिय स्वतन्त्र पार्टीका १८२, नेपाली काँग्रेसका ३८, नेपाल कम्युनिष्ट पार्टी (एमाले)का २५ र नेपाल कम्युनिस्ट पार्टी (माओवादी केन्द्र)का १७ जना सांसद रहेका छन्।
ऐनअनुसार प्रमुख सचेतकले सवारी साधन, चालक, कार्यालय व्यवस्था, सहयोगी कर्मचारी र अतिथि सत्कार खर्च पाउने प्रावधान छ। यता, श्रम संस्कृति पार्टीका महासचिव आरेन राईले राष्ट्रिय दलको मान्यता पाइसकेपछि सदस्य संख्याका आधारमा सुविधामा विभेद हुनु अनुचित रहेको भन्दै असन्तुष्टि जनाएका छन्। उनले राष्ट्रिय दलहरूबीच सुविधा वितरणमा समानता हुनुपर्ने माग गरेका छन्।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौं । नेपाली काँग्रेसका सभापति गगन थापाले प्रदेश सरकार गठनका सन्दर्भमा तीन ठूला दलहरू (कांग्रेस, एमाले र माओवादी) मिल्नुपर्ने प्रस्तावप्रति कडा विमति प्रकट गरेका छन्। आइतबार ललितपुरमा आयोजित एक कार्यक्रममा बोल्दै थापाले तीन दल मिलेर सरकार बनाउँदा प्रदेश संसद् प्रतिपक्षविहीन हुने र यसले लोकतान्त्रिक मूल्य तथा जनमतको अपमान हुने बताए।थापाले
Loading brands...
