काठमाडौं । भारतमा प्रश्नपत्र चुहावट र शिक्षा प्रणालीमा सुधारको माग गर्दै युवा नेतृत्वको ‘कक्रोच’ आन्दोलनले उग्र रूप लिएको छ। सोमबार हजारौँ प्रदर्शनकारीहरू राजधानी नयाँदिल्लीको जन्तरमन्तरमा भेला भई संसद् भवनतर्फ मार्च गर्ने प्रयास गरेका छन्। संसद्को मनसुन अधिवेशन जारी रहेकाले प्रहरीले सुरक्षाको कारण देखाउँदै मार्चको अनुमति नदिएपछि दिल्लीको सुरक्षा व्यवस्था अत्यन्त
दुर्गा प्रसाईंलाई २४ घण्टाभित्र अदालतमा उपस्थित गराउन सर्वोच्चको आदेश
सजिलो पत्रिका
२०८२ फागुन १९, मङ्गलबार १७:३४
17
- सर्वोच्च अदालत नेपालले मेडिकल व्यवसायी दुर्गा प्रसाईंलाई २४ घण्टाभित्र अदालतमा उपस्थित गराउन आदेश दिएको छ; उनकी पत्नी उमा प्रसाईंले दायर गरेको बन्दी प्रत्यक्षीकरण रिटमाथि सुनुवाइ गर्दै यस्तो आदेश भएको हो।
- निर्वाचन बिथोल्ने अभिव्यक्ति दिएको आरोपमा प्रसाईंलाई फागुन १७ गते भक्तपुरबाट पक्राउ गरिएको थियो र जिल्ला प्रशासन कार्यालय भक्तपुरले ५ दिन हिरासत अनुमति दिएको छ।
- यसअघि पनि पक्राउ परेर सर्वोच्चकै आदेशमा रिहा भएका प्रसाईंको हिरासतबारे सर्वोच्चको पछिल्लो आदेशले पुनः कानुनी बहस सुरु गरेको छ।
समाचार सारांशGenerated using AI.
सर्वोच्च अदालतले प्रहरी हिरासतमा रहेका मेडिकल व्यवसायी तथा अभियन्ता दुर्गा प्रसाद प्रसाईलाई २४ घण्टाभित्र अदालतमा उपस्थित गराउन आदेश दिएको छ। प्रसाईंको गिरफ्तारीविरुद्ध उनकी पत्नी उमा प्रसाईंले दायर गरेको बन्दी प्रत्यक्षीकरण रिटमाथि सुनुवाइ गर्दै सर्वोच्चले यस्तो आदेश दिएको हो।
निर्वाचन बिथोल्ने अभिव्यक्ति दिएको आरोपमा प्रहरीले प्रसाईंलाई गत फागुन १७ गते भक्तपुरस्थित उनकै निवासबाट पक्राउ गरेको थियो। जिल्ला प्रशासन कार्यालय भक्तपुरले उनलाई ५ दिन हिरासतमा राख्न अनुमति दिएको छ, जसअनुसार उनलाई फागुन २२ गतेसम्म थुनामा राख्ने तयारी छ। आगामी फागुन २१ गते प्रतिनिधिसभा सदस्यको निर्वाचन हुँदैछ।
यसअघि पनि फागुन ४ गते पक्राउ परेका प्रसाईंलाई सर्वोच्चकै आदेशमा फागुन १३ गते रिहा गरिएको थियो। 'राष्ट्र, राष्ट्रियता, धर्म, संस्कृति तथा नागरिक बचाऊ अभियान'का संयोजक प्रसाईं पटक-पटक पक्राउ पर्दै र अदालतको आदेशमा छुट्दै आएका छन्। सरकारले निर्वाचन अवधिभर उनलाई नियन्त्रणमा राख्ने प्रयास गरे पनि सर्वोच्चको यो आदेशले उनको हिरासत बसाइबारे पुनः कानुनी बहस निम्त्याएको छ।
यो समाचारमा
यो खबर पढेर तपाईलाई कस्तो महसुस भयो ?
कुल मतदान: 0
सम्बन्धित समाचार
ट्रेन्डिङ
आगामी इभेन्ट्सहरू
लोड भइरहेको छ...
Data is loading...
Loading brands...
Loading footer...
