सजिलो पत्रिका
२०८२ फागुन १४, बिहिबार १२:२६
सुनसरीका दुई छुट्टाछुट्टै स्थानमा भएका सवारी दुर्घटनामा परी दुई जनाको मृत्यु भएको छ भने चार जना घाइते भएका छन्। मृत्यु हुनेमा दुहबी नगरपालिका–५ का ३२ वर्षीय विजय ऋषिदेव र सप्तरीको छिन्नमस्ताका ४७ वर्षीय गिरिजानन्द साह रहेका छन्।
बराहक्षेत्र नगरपालिका–११ गुप्ताटोलमा बिहीबार बिहान को २५ प १४९ नम्बरको मोटरसाइकल अनियन्त्रित भई दुर्घटना हुँदा गम्भीर घाइते भएका ऋषिदेवको उपचारका क्रममा मृत्यु भएको हो। दुर्घटनामा मोटरसाइकलमा सवार दिपेन ऋषिदेव घाइते भएका छन्।
यस्तै, ईटहरी उपमहानगरपालिका–१३ स्थित कोशी लोकमार्गमा गएराति कारको ठक्करबाट पैदलयात्री गिरिजानन्द साहको मृत्यु भएको छ। विराटनगरबाट इटहरीतर्फ आउँदै गरेको प्रदेश १–००१–००१ च ७५०५ नम्बरको कारले बाटो काट्दै गरेका साहलाई ठक्कर दिएको थियो। ठक्करपछि अनियन्त्रित भएको कारले अर्को टेम्पोलाई समेत ठक्कर दिँदा टेम्पो चालक वसन्त घिसिङ, यात्रु प्रेमकुमार गुरुङ र कार चालक विकी विश्वकर्मा सामान्य घाइते भएका छन्। जिल्ला प्रहरी कार्यालय सुनसरीले दुवै घटनाबारे थप अनुसन्धान भइरहेको जनाएको छ।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौँ । अविरल वर्षाका कारण देशका विभिन्न स्थानमा बाढीपहिरोले राजमार्ग प्रभावित भएका छन् । केही सडक खण्ड पूर्ण रूपमा अवरुद्ध भएका छन् भने केहीमा राति सवारी सञ्चालनमा रोक लगाइएको छ ।नेपाल प्रहरीका अनुसार सम्भावित बाढीको जोखिमलाई दृष्टिगत गरी काभ्रेपलान्चोक र सिन्धुली जोड्ने बिपी राजमार्गअन्तर्गत खुर्कोट–नेपालथोक–कटुन्जेबेँसी सडक खण्डमा हरेक दिन बेलुका
Loading brands...
