सजिलो पत्रिका
२०८२ फागुन १०, आइतबार १०:२९
आसन्न प्रतिनिधि सभा सदस्य निर्वाचनलाई लक्षित गर्दै सर्लाहीमा संयुक्त रूपमा नमुना मतदान (निर्वाचन सिमुलेसन) अभ्यास सम्पन्न गरिएको छ।
शनिबार दिउँसो मलंगवा नगरपालिका – २ स्थित कबड हल मैदानमा अभ्यास सम्पन्न हो।
अभ्यासमा नेपाली सेना, नेपाल प्रहरी, सशस्त्र प्रहरी बल नेपाल तथा निर्वाचन प्रहरीको संयुक्त सहभागिता रहेको थियो। मतदान केन्द्रको सुरक्षा प्रबन्ध, मतदाता प्रवेश, मतदाताले मतपत्र कसरी बुझ्ने, स्वस्तिक छाप कहाँ र कसरी लगाउने, गोप्य कक्षमा प्रवेश गर्दा ध्यान दिनुपर्ने विषय, मतपत्र मोड्ने तरिका तथा मतपेटिकामा सुरक्षित रूपमा खसाल्ने प्रक्रिया, आपतकालीन अवस्था व्यवस्थापन, भीड नियन्त्रण तथा समन्वयात्मक कार्यप्रणालीको व्यवहारिक अभ्यास गरिएको जिल्ला प्रहरी कार्यालय सर्लाहीले जनाएको छ।
कार्यक्रमलाई सम्बोधन गर्दै प्रमुख अतिथि थपलियाले निर्वाचनलाई पारदर्शी, निष्पक्ष र भयमुक्त वातावरणमा सम्पन्न गर्न सबै सुरक्षा निकायबीच प्रभावकारी समन्वय आवश्यक रहेको बताए ।उनले जिम्मेवार र सतर्क भूमिका निर्वाह गर्न सम्बन्धित निकायलाई निर्देशन दिएका थिए ।
अभ्यास कार्यक्रममा प्रमुख अतिथिका रूपमा मुख्य निर्वाचन अधिकृत पुष्पराज थपलिया सहभागी हुनुभएको थियो। त्यसैगरी प्रमुख जिल्ला अधिकारी रामुराज कडरीया, कालीध्वज गणका गणपति उमेश खड्का, जिल्ला प्रहरी कार्यालय सर्लाहीका प्रहरी उपरीक्षक योगेन्द्र कुमार खड्का, सशस्त्र प्रहरी उपरीक्षक अमर ब. खत्री, राष्ट्रिय अनुसन्धान जिल्ला कार्यालय सर्लाहीका प्रमुख संजय कुमार मण्डल तथा जिल्ला निर्वाचन अधिकृत ऋषिराम पौडेल लगायतको उपस्थिति रहेको थियो।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौँप्रतिनिधिसभा सदस्यको निर्वाचनसँगै प्रत्यक्ष र समानुपातिकतर्फको नतिजा सार्वजनिक भएको छ । राष्ट्रिय स्वतन्त्र पार्टी पहिलो, नेपाली काँग्रेस दोस्रो, नेपाल कम्युनिष्ट पार्टी (एमाले) तेस्रो र नेपाली कम्युनिष्ट पार्टी (नेकपा) चौथो पार्टी बनेको छ । यस पटक सीमान्तृकत समुदायको उपस्थिति कमजोर देखिएको छ । प्रत्यक्षतर्फ १६५ मध्ये जम्मा १४ जना (८.४८ प्रतिशत) छ
लोड भइरहेको छ...
Loading brands...
