सजिलो पत्रिका
२०८२ फागुन ०९, शनिबार २२:१५
हालै मात्र ‘अरे हो नेता जी’ बोलको व्यङ्ग्यात्मक गीत सार्वजनिक गरेर चर्चा बटुलेको यस चलचित्रमा अब सनिशाको प्रवेशसँगै कलाकारहरूको लाइनअप थप बलियो बनेको छ । रङ्गमञ्च तथा चलचित्रमा सशक्त अभिनयका लागि परिचित अभिनेता विजय बराल मुख्य भूमिकामा रहेको यस चलचित्रमा अब सनिशा र विजयको जोडीलाई पर्दामा देखिने हो वा अन्य भूमिका त्यो भने खुलाइएको छैन ।
चलचित्रको प्रचारप्रसार स्वरूप केही दिनअघि मात्र अभिनेता विजय बराल र गायक अङ्कित बाबु अधिकारीको स्वरमा रहेको ‘अरे हो नेता जी’ गीत सार्वजनिक गरिएको थियो । युवराज काफ्लेको शब्द र अङ्कित बाबु अधिकारीकै सङ्गीत रहेको उक्त गीतमा समसामयिक राजनीति र विकासको नाममा गरिने टालटुले प्रवृत्तिमाथि तिखो व्यङ्ग्य गरिएको छ ।
मेघौली फिल्म्सको ब्यानरमा निर्माण हुन लागेको ’जिरो डिग्री’ डार्क कमेडी जनरामा आधारित चलचित्र हो। यसको कथावस्तु निकै मौलिक छ । सडक सञ्जाल नपुगेको एक दुर्गम गाउँमा, आमाबुवाको निधनपछि विदेशमा रहेका सन्तान गाउँ आइपुगुन्जेल शव सुरक्षित राख्न ’डीप फ्रिज’ बोकेर लैजाँदा उत्पन्न हुने परिस्थिति र उथलपुथलपूर्ण घटनाहरूमा चलचित्र केन्द्रित रहनेछ ।
चलचित्रको निर्देशन तथा पटकथा आकास बराल र साजन काफ्लेले संयुक्त रूपमा गर्दैछन्। कथाकार राजन भुसालले चलचित्रमा अभिनय समेत गर्नेछन् भने कार्यकारी निर्माता मोती कार्की रहेका छन् । निशाल पौडेलले छायाङ्कन गर्ने यस चलचित्रको वितरण कुबेर सिने डिस्ट्रिब्युसनले गर्नेछ ।
यो खबर पढेर तपाईलाई कस्तो महसुस भयो ?
कुल मतदान: 0
लन्डन । बेलायतको क्याम्ब्रिज सहरमा नेपाली काव्य यात्रा सम्पन्न भएको छ । बेलायतको समकालीन साहित्य प्रतिष्ठानको आयोजनामा क्याम्ब्रिजको ऐतिहासिक ‘पार्कर्स पिस’मा भएको उक्त यात्रामा लन्डन र क्याम्ब्रिजमा बसोबास गर्दै आएका साहित्यकारहरु सहभागी थिए ।त्यस अवसरमा साहित्यकारहरु कृष्ण उपाध्याय, पोषेन्द्र सत्याल, लता गौतम, योगराज ढकाल, केशव पुडासैनी, चन्द्रमणि गौतम र कृष्ण
Loading brands...
