सजिलो पत्रिका
२०८२ माघ १२, सोमबार १९:५४
काठमाडौँ
अर्थमन्त्री रामेश्वर खनालले नेपालमा प्रतिबन्धित अथवा स्वास्थ्यका लागि हानिकारक वस्तुहरुको प्रवेशलाई न्यून गर्न नीतिहरु केन्द्रीत गर्न आवश्यक रहेको बताएका छन् ।
सोमबार काठमाडौंमा अन्तर्राष्ट्रिय भन्सार दिवसको अवसरमा आयोजित कार्यक्रममा उनले आगामी दिनको सातौ भन्सार सुधार रणनीति तर्जुमा गर्दा व्यापार सहजीकरण साथै नेपाली समाजलाई सुरक्षित राख्न हानिकारक वस्तुहरुको प्रवेशलाई न्यून गर्न रणनीति र नीतिहरु केन्द्रीत गर्नुपर्ने बताए ।
उनले भने, ‘आगामी दिनको सातौ भन्सार सुधार रणनीति तर्जुमा गर्दा हामीले मूलभूत रुपमा तीन चारवटा थिममा काम गर्नुपर्छ जस्तो लाग्छ । त्यसमा एउटा व्यापार सहजीकरण हो । अर्को कसरी नेपाली समाजलाई सुरक्षित राख्नको लागि प्रतिबन्धित अथवा स्वास्थ्यका लागि हानिकारक वस्तुहरुको प्रवेशलाई न्यून गर्न सक्छौ यो विषयमा हाम्रो रणनीति र नीतिहरु केन्द्रीत हुन आवश्यक छ ।’
यस्तै, उनले सुधारको काम अगाडि बढाउदै जाँदा त्यसबाट आउन सक्ने जोखिमहरुको तयारी पनि सँगै लिएर जानुपर्ने भन्दै यसमा निजी क्षेत्र सहकार्य गर्न तयार रहेको र सरकार पनि मिलेर अगाडी बढ्न तयार रहेको बताए ।
उनले भने, ‘जुनसुकै समाजमा पनि जतिसुकै राम्रो काम प्रारम्भ गरेपछि त्यसको दुरुपयोग गर्ने, त्यसबाट लाभ लिने प्रयास गर्ने तत्वहरु जाग्ने सम्भावना हुन्छ । त्यो नेपालमा मात्र होइन अन्य ठाँउमा पनि हुन्छ । त्यसकारण सुधारको काम अगाडि बढाउँदै जाँदा त्यसबाट आउन सक्ने जोखिमहरु के हुन्, त्यसलाई न्यूनीकरण गर्न के गर्नुपर्छ भन्ने कुराको तयारी पनि सँगै लिएर जानुपर्छ । यसबाट एकपटक गरिएको सुधारबाट फर्किएर फेरि पुरानै बिन्दुमा पुग्न पर्दैन् । यो क्रममा निजी क्षेत्रले सहकार्य गर्न तयार छौ भनेर हात फैलाउनु भएको छ । त्यसमा हामी पनि मिलेर अगाडी बढ्न तयार छौ ।’
उत्पादनमा आधारित र आन्तरिक उपभोग वृद्धि गर्ने दृष्टिकोणबाट अर्थतन्त्रलाई अगाडि लानुपर्ने भन्दै यसमा पनि भन्सारको भूमिका महत्वपूर्ण रहेको उनको भनाई छ ।
साथै, उनले भन्सार प्रशासनलाई सहयोग पुग्ने र व्यापार सहजीकरण गर्नको लागि कस्ता किसिमका दक्षता भन्सारलाई आवश्यक छ त्यो दक्षता वृद्धि गर्नको लागि प्रशिक्षण कार्यक्रम, चेतना मूलक कार्यक्रमहरु सञ्चालन गर्न सकिने पनि बताए ।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौं ।नेपाल कम्युनिष्ट पार्टी (एमाले) सुदूरपश्चिम प्रदेश संसदीय दलले नेपाली काँग्रेस नेतृत्वको प्रदेश सरकारलाई दिएको समर्थन फिर्ता लिने निर्णय गरेको छ। बुधबार बसेको संसदीय दलको बैठकले सोही दिन साँझ ५ बजेदेखि लागू हुने गरी सरकारप्रतिको समर्थन फिर्ता लिने निर्णय गरेको दलका नेता राजेन्द्रसिंह रावलले जानकारी दिए।आर्थिक वर्ष २०८३/८४ को बजेट
लोड भइरहेको छ...
Loading brands...
