सजिलो पत्रिका
२०८२ माघ ११, आइतबार २२:३१
काठमाडौँ
अमेरिकी राष्ट्रपति डोनाल्ड जोन ट्रम्पले अफगानिस्तान युद्धमा सहभागी बेलायती सैनिकहरूलाई “संसारकै उत्कृष्ट योद्धामध्येका” भन्दै प्रशंसा गरेका छन् । यसअघि नाटो सहयोगी देशका सैनिकहरूले युद्धको अग्रपंक्तिमा भूमिका नखेलेको टिप्पणी गरेपछि व्यापक आलोचना खेपेका ट्रम्पले बेलायती प्रधानमन्त्री सर किअर स्टार्मरसँग फोनवार्ता गरेपछि सामाजिक सञ्जाल ‘ट्रुथ सोसल’ मार्फत आफ्ना भनाइ केही हदसम्म सच्याएका हुन् ।
ट्रम्पको प्रारम्भिक अभिव्यक्तिले युनाइटेड किंगडमसहित नाटो देशका पूर्वसैनिक, राजनीतिज्ञ र अन्तर्राष्ट्रिय नेताहरूको कडा प्रतिक्रिया आएको थियो । बेलायती प्रधानमन्त्री स्टार्मरले ती टिप्पणीलाई “अपमानजनक र निन्दनीय” भनेका थिए भने प्रिन्स ह्यारीले पनि अफगानिस्तानमा सेवा गरेका सैनिकहरूको बलिदानलाई सम्मानपूर्वक स्मरण गर्नुपर्ने बताएका थिए । अफगानिस्तान युद्धमा ४५७ बेलायती सैनिकसहित ३,५०० भन्दा बढी गठबन्धन सैनिकको ज्यान गएको थियो ।
आलोचनापछि ट्रम्पले बेलायती सैनिकहरूलाई साहसी, निडर र अमेरिका–बेलायत सम्बन्ध अटुट रहेको उल्लेख गर्दै उनीहरूको योगदानको प्रशंसा गरे पनि औपचारिक माफी भने मागेनन् । यसबीच क्यानडा, इटालीलगायत अन्य नाटो सहयोगी देशका नेताहरूले पनि ट्रम्पका प्रारम्भिक टिप्पणीप्रति असन्तुष्टि जनाउँदै अफगानिस्तानमा आफ्ना सैनिकहरूको योगदानलाई कम आँक्न नहुने बताएका छन् ।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौं । सरकारका सचिवहरुको बैठकले शासकीय सुधारको एकसय कार्यसूचीअन्तर्गत सम्पन्न भएका सुशासन प्रवद्र्धन, सेवाप्रवाह सुधार र निर्णय प्रक्रिया सरलीकरणलगायत क्षेत्रमा भएका असल अभ्यासलाई निरन्तता दिने निर्णय गरेको छ ।मुख्यसचिव गोविन्दबहादुर कार्कीको अध्यक्षतामा आज भएको सचिव बैठकले कार्यसूचीमा उल्लेखित बुँदा कार्यान्वयनका लागि गठित कार्यदल र समितिबाट प्राप्त सुझाव कार्यान्वयन गर्ने र
लोड भइरहेको छ...
Loading brands...
