सजिलो पत्रिका
२०८२ माघ ०१, बिहिबार ०९:२२
अमेरिकाले नेपालसहित विश्वका ७५ देशका लागि आप्रवासी भिसा प्रक्रिया रोक्ने निर्णय गरेको छ । यो निर्णय आगामी जनवरी २१ (माघ ७) देखि लागू हुने अमेरिकी सञ्चारमाध्यम फक्स न्युजले जनाएको छ ।
अमेरिकी विदेश मन्त्रालयको ज्ञापनपत्रका आधारमा गरिएको यो निर्णयको मुख्य उद्देश्य अमेरिका आउने विदेशीको संख्या घटाउनु हो । आप्रवासी भिसा प्रक्रिया रोकिने देशहरूको सूचीमा एसियाका नेपाल, भारत, पाकिस्तान, बंगलादेश, अफगानिस्तान, भुटान, म्यान्मार लगायत २२ देश परेका छन् ।
आप्रवासी भिसा अमेरिकामा स्थायी बसोबास (ग्रिन कार्ड) का लागि दिइने लामो अवधिको भिसा हो ।
विदेश मन्त्रालयले अब अमेरिका आएर सरकारी सहायतामा निर्भर हुन सक्ने आशंका गरिएका व्यक्तिहरूलाई भिसा अस्वीकार गर्ने अधिकार प्रयोग गर्ने बताएको छ । अमेरिकी दूतावास तथा कन्सुलर अधिकारीहरूलाई जाँच प्रक्रियाको पुन: समीक्षा नभएसम्म भिसा आवेदन अस्वीकार गर्न निर्देशन दिइएको छ । यो रोक कहिलेसम्म रहने भन्नेबारे केही खुलाइएको छैन ।
ट्रम्पको दोस्रो कार्यकाल सुरु भएयता अमेरिकाले १ लाखभन्दा बढी भिसा रद्द गरिसकेको छ । साथै, गत महिना मात्रै ६ लाख ५० हजारभन्दा बढीलाई देश निकाला गरिएको गृह सुरक्षा विभागले जनाएको छ ।
यो खबर पढेर तपाईलाई कस्तो महसुस भयो ?
कुल मतदान: 0
एजेन्सी । अमेरिकी राष्ट्रपति डोनाल्ड ट्रम्पले आगामी नोभेम्बरमा हुने मध्यावधि निर्वाचनअघि संघीय निर्वाचन सहायता आयोग (इएसी) का कार्यरत अन्तिम दुई आयुक्तलाई बर्खास्त गरेको अमेरिकी सञ्चारमाध्यमहरूले जनाएका छन् । उक्त निर्णयपछि निर्वाचन व्यवस्थापनको निष्पक्षता र स्वतन्त्रतामाथि प्रश्न उठाउँदै डेमोक्रेट नेता तथा निर्वाचन अधिकारीहरूले कडा आलोचना गरेका छन् ।युएसए टुडेका अनुसार द्विदलीय
लोड भइरहेको छ...
Loading brands...
