सजिलो पत्रिका
२०८२ पुस २६, शनिबार ११:४३
काठमाडौँ
७ औँ संस्करणको बकैया कप फुटबल प्रतियोगिता सञ्चालनका लागि सम्पूर्ण तयारी पूरा भएको छ। पर्सि सोमबारदेखि सुरु हुने प्रतियोगिताको तयारी अन्तिम चरणमा पुगेको बकैया खेलकुद विकास समितिका संयोजक विजय लामा थिङले जानकारी दिए।
सातौँ संस्करणदेखि महिला र पुरुष दुवै तर्फको खेल समावेश गरिने भएपछि प्रतियोगिताप्रति झनै उत्साह बढेको बकैया गाउँपालिका खेलकुद विकास समितिका संयोजक विजय लामा थिङले बताए। यसले स्थानीय खेलाडीहरूलाई थप अवसर प्रदान गर्नुका साथै खेलकुद क्षेत्रमा लैङ्गिक समानतालाई पनि प्रवद्र्धन गर्ने अपेक्षा गरिएको छ।
यसैबीच प्रतियोगिताको खेलतालिका सार्वजनिक गरिएको छ। स्थानीय तहमा खेलकुदको विकास, युवाहरूलाई लागूपदार्थ, हिंसा तथा अन्य नकारात्मक गतिविधिबाट टाढा राखी सकारात्मक र अनुशासित जीवनशैलीतर्फ प्रेरित गर्ने उद्देश्यले बकैया कप आयोजना हुँदै आएको आयोजक समितिले जनाएको छ।
प्रतियोगिताले गाउँपालिका भित्रका युवाबीच आपसी सद्भाव, भाइचारा र सामाजिक एकतालाई थप मजबुत बनाउने विश्वास आयोजकको छ।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौँ । फ्रान्सलाई पराजित गर्दै स्पेन फिफा विश्वकप - २०२६ को फाइनलमा प्रवेश गरेको छ ।अमेरिकाको टेक्सासस्थित डलास स्टेडियममा भएको पहिलो सेमिफाइनल खेलमा स्पेनले फ्रान्सलाई २–० गोलले पराजित गर्दै फाइनलमा स्थान बनाएको हो ।स्पेनको जितमा मिकेल ओयारजाबाल र पेड्रो पोरोले गोल गरे । खेलको पहिलो गोल मिकेल ओयार्जाबालले गरेका थिए
लोड भइरहेको छ...
Loading brands...
