सजिलो पत्रिका
२०८२ पुस २४, बिहिबार १४:०३
काठमाडौँ ।
काठमाडौं उपत्यकाका खोला तथा नदी किनारको मापदण्डसम्बन्-धी सर्वोच्च अदालतको फैसलाविरुद्ध पीडितहरूले विरोध प्रदर्शन गरेका छन् । ‘गैरन्यायिक खोला तथा सडक मापदण्ड पीडित संघर्ष समिति’ को ब्यानरमा उनीहरूले बिहीबार माइतीघरमा प्रदर्शन गर्दै फैसला खारेजीको माग गरेका हुन् ।
सरकारले २०६५ सालमा तोकेको मापदण्डअनुसार घर बनाएकाहरू सर्वोच्चको नयाँ फैसलाबाट प्रभावित भएका हुन् । सर्वोच्चले २०८० पुस ३ गते नदी किनारबाट थप २० मिटर (कुल ४० मिटरसम्म) क्षेत्रमा संरचना बनाउन नपाउने फैसला गरेको थियो । यो फैसलाले उपत्यकाका १९ खोला किनारका ८४ हजारभन्दा बढी घरधुरी प्रभावित हुने अनुमान छ ।
प्रदर्शनकारीहरूले ‘जनतालाई उठिबास लगाउने फैसला खारेज गर’, ‘फैसला होइन न्याय दे’ जस्ता नारा लेखिएका प्लेकार्ड बोकेका थिए । उनीहरूले यो फैसलाले हजारौं परिवार विस्थापित हुने र आफ्नो जग्गाको मूल्य शून्य हुने भन्दै चिन्ता व्यक्त गरेका छन् ।
यसैबीच, सरकारले सर्वोच्चको उक्त फैसलामाथि पुनरावलोकनका लागि दिएको निवेदनमाथि आजै सर्वोच्च अदालतमा सुनुवाइ हुँदैछ । पीडितहरूले मुद्दालाई अग्राधिकार दिएर छिटोभन्दा छिटो न्याय दिन माग गरेका छन् ।
यो खबर पढेर तपाईलाई कस्तो महसुस भयो ?
कुल मतदान: 0
रसुवा । नेपाल बैंक लिमिटेड धुञ्चे शाखाले सामाजिक उत्तरदायित्व कार्यक्रमअन्तर्गत पहिलोपटक दुर्गम क्षेत्रका सात विद्यालयका ९२ जना विद्यार्थीलाई पोसाक तथा शैक्षिक सामग्री वितरण गरेको छ ।दुर्गम क्षेत्रका विद्यार्थीको मनोबल बढाउने उद्देश्यले पहिलोपटक रसुवाका सामुदायिक विद्यालयका छात्रछात्रालाई पोसाक तथा शैक्षिक सामग्री हस्तान्तरण गरेको शाखा प्रबन्धक कृष्ण तामाङले जानकारी दिए ।बैंकले भीमली
लोड भइरहेको छ...
Loading brands...
