सजिलो पत्रिका
२०८२ पुस १९, शनिबार १५:४१
काठमाडौँ
नेपाली काँग्रेसका युवा नेता गुरुराज घिमिरेले पार्टी नेतृत्वले कार्यकर्ताको भावना र मागलाई लगातार बेवास्ता गरेकाले अब विशेष महाधिवेशन अपरिहार्य र बाध्यकारी बनेको बताएका छन्।
सामाजिक सञ्जालमार्फत सार्वजनिक धारणा राख्दै नेता घिमिरेले विशेष महाधिवेशनको माग उठाउने पार्टी सदस्यहरूमाथि गरिएको बेवास्ता, दुव्र्यवहार र पार्टी विधानको खुला उल्लंघन गरेर पार्टी नेतृत्व तानाशाही भनेको आरोप लगाएका छन्।
‘महाधिवेशनको कागजी कार्यतालिका न्यूनतम रूपमा पनि लागू नगर्ने, स्वेच्छाचारी रूपमा समय सार्ने, र पार्टी सदस्यलाई अग्रिम सूचना समेत नदिने प्रवृत्ति अलोकतान्त्रिक मात्र होइन, तानाशाहीपूर्ण पनि हो,’ उनले लेखेका छन्।
नेपाली कांग्रेसले ७५ वर्षअघि हुकुमी शासनको अन्त्य गरेको स्मरण गराउँदै घिमिरेले अहिले पार्टीभित्रै हुकुमी शासन झल्काउने अभ्यास देखिन थालेको टिप्पणी गरेका छन्। नेता सरह वा त्यसभन्दा बढी योगदान दिएका कार्यकर्तालाई ‘रैती’ सरह व्यवहार गर्ने र पार्टीलाई निजी जमिन्दारीझैं सञ्चालन गर्ने प्रवृत्ति सर्वथा निन्दनीय भएको उनले उल्लेख गरेका छन्।
विशेष महाधिवेशनको मागलाई बेवास्ता नगर्न पार्टी नेतृत्वलाई चेतावनी दिँदै घिमिरेले जबरजस्ती निर्णय गरिए भविष्यमा उत्पन्न हुन सक्ने राजनीतिक दुर्घटनाको सम्पूर्ण जिम्मेवारी नेतृत्वले नै लिनुपर्ने बताएका छन्।
उनले वर्तमान चुनौतीपूर्ण राजनीतिक परिस्थितिमा पार्टीलाई एकताबद्ध बनाएर अघि बढ्न विशेष महाधिवेशनको मागलाई सकारात्मक रूपमा सम्बोधन गर्न नेतृत्वलाई विनम्र आग्रह गरेका छन्।
नेता घिमिरेले संस्कृत श्लोक उद्धृत गर्दै विधि र नियम त्यागेर स्वेच्छाचारितामा चल्नेले सफलता, सुख र उच्च गन्तव्य प्राप्त गर्न नसक्ने स्पष्ट सन्देश दिएका छन्।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौं ।नेपाल कम्युनिष्ट पार्टी (एमाले) सुदूरपश्चिम प्रदेश संसदीय दलले नेपाली काँग्रेस नेतृत्वको प्रदेश सरकारलाई दिएको समर्थन फिर्ता लिने निर्णय गरेको छ। बुधबार बसेको संसदीय दलको बैठकले सोही दिन साँझ ५ बजेदेखि लागू हुने गरी सरकारप्रतिको समर्थन फिर्ता लिने निर्णय गरेको दलका नेता राजेन्द्रसिंह रावलले जानकारी दिए।आर्थिक वर्ष २०८३/८४ को बजेट
लोड भइरहेको छ...
Loading brands...
