सजिलो पत्रिका
२०८२ पुस ०८, मङ्गलबार १२:५९
काठमाडौँ ।
पोखरा महानगरपालिकाले मुख्य सडक र राजमार्ग किनारमा सञ्चालित वर्कसप, ग्यारेज, कवाडी संकलन केन्द्र तथा ग्रिल उद्योग हटाउने भएको छ । महानगरले एक सूचना जारी गर्दै यस्ता व्यवसाय अन्यत्र सार्न ३५ दिनको समय दिएको हो ।
महानगरले पृथ्वी राजमार्गको कोत्रेदेखि सेतीपुलसम्म, सिद्धार्थ राजमार्गको छोरेपाटनदेखि पृथ्वीचोकसम्म र पोखरा-बाग्लुङ राजमार्गको जिरो किलोमिटरदेखि फेदीसम्मका सडक किनारमा रहेका वर्कसपहरू हटाउन निर्देशन दिएको छ ।
महानगर प्रमुख धनराज आचार्यका अनुसार, यस्ता व्यवसायले सवारी आवागमनमा कठिनाइ पुर्याएको, सहरी सौन्दर्यमा असर पारेको र वातावरणीय स्वच्छतामा प्रतिकूल प्रभाव पारेकाले हटाउन लागिएको हो ।
तोकिएको समयभित्र व्यवसाय नहटाए प्रचलित कानुनअनुसार कारबाही गरिने महानगरले चेतावनी दिएको छ । महानगरले हार्डवेयर पसलहरूलाई पनि सडकपेटीमा निर्माण सामग्री नराख्न आग्रह गरेको छ ।
मुख्य सडकमा अव्यवस्थित पार्किङसँगै सडक किनारका ग्यारेज र वर्कसपहरू ट्राफिक जामको मुख्य कारण मानिँदै आएका छन् । महानगरले यो अभियानमा सहयोग गर्न घरधनी, व्यवसायी, नागरिक समाज र स्थानीय प्रशासनलाई अपिल गरेको छ ।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौं । राष्ट्रिय कृषि आधुनिकीकरण कार्यक्रम, कार्यक्रम कार्यान्वयन एकाइ कास्कीले आर्थिक वर्ष २०८२/८३ मा कृषिको आधुनिकीकरण, उत्पादन वृद्धि र कृषकको आय आर्जनमा टेवा पु¥याउने विभिन्न कार्यक्रम सञ्चालन गरेको छ ।कार्यक्रमअन्तर्गत दुग्ध सङ्कलन तथा चिस्यान केन्द्र स्थापना एवं सुदुढीकरण कार्यक्रमले किसानलाई प्रत्यक्ष फाइदा पुगेको छ । पोखरा महानगरपालिका–२५ हेमजाका व्यावसायिक कृषक
लोड भइरहेको छ...
Loading brands...
