निष्पक्ष, धाँधलीरहित र शान्तिपूर्ण वातावरणमा चुनाव गराउँछौं :मन्त्री अर्याल

सजिलो पत्रिका

२०८२ मंसिर ११, बिहिबार १६:५६

गृहमन्त्री ओमप्रकाश अर्यालले सरकारले आगामी फागुन २१ गते जुनसुकै अवस्था भए पनि चुनाव गराउने दावी गरेका छन्।
सरकारले निष्पक्ष, धाँधलीरहित र शान्तिपूर्ण वातावरणमा निर्वाचन गराउन जिम्मेवार रहेको र त्यसमा जुटेको बताए।
हतियार र फरार कैदी मुद्दाले चुनावमा बाधा नपर्ने र अधिकांश हतियार फिर्ता भइसकेको जानकारी उनले दिएका छन्।

समाचार सारांशGenerated using AI.

काठमाडौँ

गृहमन्त्री ओमप्रकाश अर्यालले सरकारले आगामी फागुन २१गते जुनैपनि हालतमा निर्वाचन गराएर छोड्ने दावी गरेका छन् ।

बिहीबार राष्ट्रिय सभाअन्तर्गतको सार्वजनिक नीति तथा प्रत्यायोजन विधायन समितिको बैठकमा बोल्दै उनले निष्पक्ष, धाँधलीरहित र शान्तिपूर्ण वातावरणमा चुनाव गराउनु पर्ने दायीत्व सरकारको रहेको बताउँदै त्यसैमा सरकार जुटेको बताएका हुन् ।

उनले भने, ‘अहिले चुनाव हुन्छ कि हुँदैन् भन्ने आशंकाहरु छन् । खासगरी सुरक्षाको हिसाबले बाधाहरु नआएको होइन् आइराखेकै छन् । चुनावको वातावरण बन्ने तर्फ नै गएको छ । सबै दलले दल दर्ता गर्नुभएको छ । सरकारले जसरी पनि चुनाव गर्छ । त्यही ढंगले काम गर्छ । दलिय नभएर यो गैरदलिय सरकार भएकाले हामीले त्यही खालको भूमिका खेल्नुपर्छ । हाम्रो निष्पक्ष, धाँधलीरहित र शान्तिपूर्ण वातावरणमा चुनाव गराउनु पर्ने दायीत्व छ ।’

त्यस्तै, उनले धेरै हतियार फिर्ता आइसकेको भन्दै फिर्ता भएका कतिपय जलेर कामै नलाग्ने अवस्थामा रहेको बताए । अहिले कति हतियार बाहिर छन् भन्ने कुरा सुरक्षा सम्बन्धि प्रोटोकलले भन्न नमिल्ने बताउँदै उनले फिर्ता नभएकोमा केही जलेको र केही ठूला हतियार खोलामा बगाएको पनि हुनसक्ने आशंका व्यक्त गरे ।

‘अहिले हतियार बाहिर कति छन् भन्ने कुरा हाम्रो सुरक्षा सम्बन्धि प्रोटोकलले भन्न मिल्दैन् । धेरै जस्तो हतियारहरु फिर्ता भइसकेको छन् । फिर्ता नभएकोमा केही जलेको छन् र केही ठूला हतियार चाहिँ खोलामा बगाएको पनि हुनसक्छ ।’ उनले भने,

त्यस्तै, फरार कैदी मध्य गम्भीर अपराधमा संलग्नहरुको संख्या कम भएकाले हतियार र कैदी बन्दीकै कारणले चुनाव विथोलीन्छ भन्ने पक्षमा सरकार नरहेको धारणा राखे ।

‘हत्यामा संलग्न अंगभंग यस्तो खालको गम्भीर अपराधमा संलग्नहरुको संख्या अलि कम नै छ । लागू औषध र जबरजस्तीकरणीको अलि धेरै छ । त्यसैले हतियार र कैदी बन्दीकै कारणले चुनाव विथोलीन्छ भन्ने पक्षमा हामी छैनौं ।’ उनले भने,

यो समाचारमा

ट्यागहरू

#सरकार #निर्वाचन #सार्वजनिक #निर्वाचन आयोग #गृहमन्त्री ओमप्रकाश अर्याल #चुनाव #गृहमन्त्री #वातावरण

यो खबर पढेर तपाईलाई कस्तो महसुस भयो ?

कुल मतदान: 0

सम्बन्धित समाचार

बागमती सरकारबाट बाहिरिँदै एमाले, ६ मन्त्रीले सोमबार सामूहिक राजीनामा दिने

काठमाडौं । बागमती प्रदेश सरकारलाई दिएको समर्थन फिर्ता लिँदै नेकपा एमाले सरकारबाट बाहिरिने भएको छ। यस विषयमा औपचारिक निर्णय गर्न र आगामी रणनीति तय गर्न आइतबार काठमाडौँमा एमाले बागमती प्रदेश संसदीय दलको बैठक बसिरहेको छ।एमालेले शनिबार नै मुख्यमन्त्री इन्द्र बहादुर बानियाँलाई सरकारलाई दिएको समर्थन फिर्ता लिने निर्णयबारे जानकारी गराइसकेको छ।