सजिलो पत्रिका
२०८२ मंसिर ११, बिहिबार १०:०४
अष्ट्रेलियाको न्यू साउथ वेल्सस्थित क्राउडी बे समुद्रतटमा एक दुःखद घटना भयो, जहाँ एक महिलाको शार्कको आक्रमणमा ज्यान गयो र एक पुरुष गम्भीर घाइते भए। दुबैको उमेर २० वर्षको आसपास भएको बताइयो। महिलाको घटनास्थलमै मृत्यु भएको छ भने घाइते पुरुषलाई गम्भीर अवस्थामा एयरलिफ्ट गरेर न्यूकैसलको अस्पताल लगिएको छ। प्रत्यक्षदर्शीहरूले उद्धारको प्रयास गरे पनि उनलाई बचाउन सम्भव भएन।
घटना बिहीबार बिहान भएको हो। आपतकालीन सेवाहरू पुग्नु अघि समुद्रतटमा रहेका मानिसहरूले आक्रमित दुवै जनालाई मद्दत गर्न खोजेका थिए। शार्कको प्रजाति पहिचान गर्न प्रहरी र प्राथमिक उद्योग विभागका विज्ञहरू मिलेर अनुसन्धान गरिरहेका छन्।
सर्फ लाइफ सेभिङ का अनुसार पुरुषको जाँघमा गम्भीर चोट लागेको छ। घटनापछि क्राउडी बेसहित वरपरका सबै समुद्रतट २४ घण्टाका लागि बन्द गरिएका छन् र ड्रोनमार्फत निगरानी गरिँदैछ। संस्थाले पीडित परिवारप्रति समवेदना प्रकट गर्दै सुरक्षाका लागि पानीबाट टाढा रहन आग्रह गरेको छ।
यो वर्ष अष्ट्रेलियामा भएको पाँचौं घातक शार्क आक्रमण हो। तीन महिनाअघि मात्रै सिड्नीको उत्तरी समुद्रतटमा एक पुरुषको शार्क आक्रमणमा मृत्यु भएको थियो। घटनाले फेरि अष्ट्रेलियामा विवादास्पद शार्क–नेट नीति सम्बन्धी बहसलाई चर्काएको छ।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौँ । राष्ट्रपति रामचन्द्र पौडेलले विकास निर्माणको केन्द्रमा मानव र प्रकृतिलाई राख्नुपर्नेमा जोड दिएका छन्। नेपाल इन्जिनियर्स एसोसिएसनको ६४औँ वार्षिकोत्सवलाई सम्बोधन गर्दै उनले विकासको अवधारणा जनताको कल्याण र मुलुकको समृद्धिसँग जोडिनुपर्ने बताए।जलवायु परिवर्तनको बढ्दो चुनौतीलाई मध्यनजर गर्दै अबका पूर्वाधारहरू दिगो, पर्यावरणमैत्री र 'हरित विकास' को सिद्धान्तमा आधारित हुनुपर्ने राष्ट्रपतिको भनाइ
Loading brands...
