सजिलो पत्रिका
२०८२ मंसिर ११, बिहिबार ०८:१७
काठमाडौँ ।
दोस्रो संस्करणको नेपाल प्रिमियर लिग (एनपीएल) अन्तर्गत आज (बिहीबार) दुईवटा महत्वपूर्ण खेलहरू हुँदैछन् । कीर्तिपुरस्थित त्रिवि क्रिकेट मैदानमा हुने पहिलो खेलमा लुम्बिनी लायन्स र सुदूरपश्चिम रोयल्स भिड्दैछन् भने दोस्रो खेलमा जनकपुर बोल्टस र पोखरा एभेन्जर्स आमनेसामने हुनेछन् ।
बिहान ११:४५ बजे सुरु हुने पहिलो खेलमा अपराजित रहेको सुदूरपश्चिम रोयल्सले लुम्बिनी लायन्सको सामना गर्नेछ । ३ खेलमा ६ अंक जोड्दै तालिकाको शीर्ष स्थानमा रहेको दिपेन्द्र सिंह ऐरीको कप्तानीको सुदूरपश्चिम आफ्नो अपराजित यात्रालाई निरन्तरता दिन चाहन्छ । यता, ३ खेलमा २ अंक मात्र जोडेको र लगातार दुई हार बेहोरेको रोहित पौडेलको कप्तानीमा रहेको लुम्बिनी आजको खेल जित्दै प्रतियोगितामा पुनरागमन गर्ने लक्ष्यमा हुनेछ ।
त्यस्तै, दिउँसो ४ बजे हुने दोस्रो खेलमा जनकपुर बोल्टस र पोखरा एभेन्जर्स पहिलो जितको खोजीमा मैदान उत्रनेछन् । दुवै टोलीले प्रतियोगितामा हालसम्म अंकको खाता खोल्न सकेका छैनन् । अनिल शाहको नेतृत्वमा रहेको जनकपुर र कुशल भुर्तेलको कप्तानीमा रहेको पोखराले खेलेका दुवै खेलमा हार बेहोरेका छन् । त्यसैले आजको खेलमा दुवै टोली सुखद नतिजा निकाल्दै प्रतियोगितामा पहिलो अंक जोड्न आतुर हुनेछन् ।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौँ । फ्रान्सलाई पराजित गर्दै स्पेन फिफा विश्वकप - २०२६ को फाइनलमा प्रवेश गरेको छ ।अमेरिकाको टेक्सासस्थित डलास स्टेडियममा भएको पहिलो सेमिफाइनल खेलमा स्पेनले फ्रान्सलाई २–० गोलले पराजित गर्दै फाइनलमा स्थान बनाएको हो ।स्पेनको जितमा मिकेल ओयारजाबाल र पेड्रो पोरोले गोल गरे । खेलको पहिलो गोल मिकेल ओयार्जाबालले गरेका थिए
लोड भइरहेको छ...
Loading brands...
