सजिलो पत्रिका
२०८२ मंसिर ०५, शुक्रबार ०६:४३
काठमाडौँ
स्विट्जरल्यान्डका धेरै हिमाली पासहरू हिउँ परेकाले बन्द गरिएको थियो। २,००० मिटरभन्दा माथि २० सेेन्टिमिटरसम्म नयाँ हिउँ परेको अधिकारीहरूले जनाएका छन्। यस्ता पासहरू प्रायः नोभेम्बरदेखि मे–जुनसम्म बन्द हुने भए पनि अप्रत्याशित हिमपातका कारण यस पटक पहिले नै बन्द गर्नुपरेको हो।
फुर्का पास, गोटहार्ड पास, ग्रिमसेल पास, नुफेनेन पास, प्रागेल पास, सान बर्नार्डिनो पास र सुस्टेन पास सुरक्षा कारणले बन्द गरिएको टुरिङ क्लब स्विट्जरल्याण्डले जानकारी दियो। पास बन्द हुँदा गोटहार्ड रोड सुरुङ अगाडि यातायात जाम पनि देखा पर्यो, जसले दक्षिणतर्फ यात्रा गर्दा डेढ घण्टासम्म र उत्तरतर्फ एक घण्टा २० मिनेटसम्म समय बढाएको बताइयो।
यात्रीहरूलाई विकल्पको रूपमा सान बर्नार्डिनो सुरुङमार्ग प्रयोग गर्न टुरिङ क्लब स्विट्जरल्याण्डले सिफारिस गर्यो। यसले यात्रा समय केही कम गर्न सकिने अपेक्षा राखिएको छ। हिमपातका कारण यात्रा कठिन बन्ने भएकाले सावधानी अपनाउन आग्रह गरिएको छ।
मेटियोस्वीसका अनुसार शनिबार हिमरेखा १,६०० देखि २,००० मिटरबीच रहने र खासगरी मध्य अल्प्स क्षेत्रमा २० सेेन्टिमिटरसम्म नयाँ हिउँ पर्ने अनुमान थियो। यो हिमपात ‘उच्च-स्तरिय न्यूनचाप प्रणाली’ का कारण आएको हो, जुन गत सोमबारदेखि आल्प्स क्षेत्रमा लगभग स्थिर रूपमा बसेको थियो। मौसम प्रणाली शनिबार साँझतिर दक्षिण–पूर्वतिर सर्दै जाने अपेक्षा गरिएको छ।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौं । वैदेशिक रोजगारसम्बन्धी कसुर मुद्दामा फरार रहेका दुई जना प्रतिवादीलाई प्रहरीले पक्राउ गरेको छ। पक्राउ पर्नेहरूमा रूकुम मुसिकोटका ४७ वर्षीय रामचन्द्र खड्का र रूकुम पूर्व पुथा उत्तरगङ्गाका ४८ वर्षीय पूर्णबहादुर मल्ल रहेका छन्।खड्कालाई काठमाडौँ उपत्यका अपराध अनुसन्धान कार्यालयको टोलीले ललितपुरको इमाडोलबाट पक्राउ गरेको हो। उनीविरुद्ध वैदेशिक रोजगार न्यायाधिकरणबाट गत
लोड भइरहेको छ...
Loading brands...
