सजिलो पत्रिका
२०८२ मंसिर ०२, मङ्गलबार ०९:४८
बंगलादेशका कानुन, न्याय र संसदीय मामिलाका सल्लाहकार डा. आसिफ नज्रुलले अपराधविरुद्धको अन्तर्राष्ट्रिय अदालतले पूर्व प्रधानमन्त्री शेख हसीनालाई मानवताविरुद्धका अपराधमा मृत्यु-दण्ड सुनाएपछि उनलाई बंगलादेश फर्काउन भारतलाई पुनः औपचारिक पत्र पठाइने बताएका छन्। उनले भारतले हसिनालाई आश्रय दिनु बंगलादेश र बंगलादेशी जनताप्रति वैमनस्यपूर्ण र निन्दनीय व्यवहार ठहरिने चेतावनी पनि दिए।
उनका अनुसार यो फैसला बंगलादेशको इतिहासमा ठूलो मोड भएको र न्याय कायम भएको दिन हो। उनले आगामी दिनमा पनि न्यायिक प्रक्रिया निरन्तर अघि बढाइने र भविष्यका कुनै पनि सरकारले यस जिम्मेवारीबाट पछि नहट्ने विश्वास व्यक्त गरे।
गत वर्षको जुलाई आन्दोलनमा मारिएका र घाइते भएका हजारौं पीडितको आवाज आज सुनेको दिन भएको उनले बताए। उनले शेख हसिनालाई ती सबै कष्टका लागि जिम्मेवार ठहर गर्दै अदालतले दिएको मृत्यु-दण्डले पीडितका आत्मालाई न्याय मिलेको दाबी गरे।
डा. नज्रुलले पूर्व गृहमन्त्री असदुज्जामान खान कमाललाई पनि अदालतले मृत्यु-दण्ड सुनाएको उल्लेख गर्दै यो फैसला देशमा दीगो न्याय र जवाफदेहिताको आधार तयार गर्ने महत्वपूर्ण कदम भएको बताए।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौं । प्रधानमन्त्री बालेन शाहले आज पुँजी बजार, धितोपत्र व्यवसाय र बीमा क्षेत्रका सरोकारवालाहरूसँग छलफल गर्दैछन्। प्रधानमन्त्रीको सचिवालयका अनुसार सिंहदरबारस्थित प्रधानमन्त्री तथा मन्त्रिपरिषद्को कार्यालयमा मध्याह्न १२ बजे यो छलफल सुरु हुनेछ।बैठकमा नेपाल धितोपत्र बोर्ड (सेबोन) का अध्यक्ष गोपाल भट्ट, नेप्सेका अध्यक्ष अमृत लम्साल, स्टक ब्रोकर एशोसिएशनका अध्यक्ष सागर ढकाल, नासा
लोड भइरहेको छ...
Loading brands...
