सजिलो पत्रिका
२०८२ कात्तिक २८, शुक्रबार ०७:०५
यही मंसिर १ गतेदेखि कीर्तिपुरस्थित टियु मैदानमा सुरु हुने नेपाल प्रिमियर लिग (एनपीएल) क्रिकेटको दोस्रो संस्करणका लागि टिकट मूल्य तोकिएको छ । नेपाल क्रिकेट संघ (क्यान)ले पहिलो चरणमा प्रतियोगिताको पहिलो ६ दिनका खेलहरूको लागि मात्र टिकट बिक्री खुला गरेको हो । जसमा साधारण टिकटको मूल्य ५०० रुपैयाँ तोकिएको छ । प्लेअफ तथा फाइनलका लागि भने साधारण टिकटको मूल्य १००० रुपैयाँ पर्नेछ ।
यस्तै प्रिमियम टिकटको मूल्य उद्घाटन खेल र शनिबारको खेलका लागि भने १५०० रुपैयाँ तोकिएको छ । अन्य दिनका लागि प्रिमियम टिकटको मूल्य १००० रुपैयाँ छ । प्लेअफ तथा फाइनलका लागि २००० रुपैयाँको प्रिमियम टिकट रहने क्यानले जनाएको छ ।
त्यसैगरी क्यानले सिजनल पासको पनि व्यवस्था गरेको छ । प्रतियोगिता भरलाई हुने उक्त पासको मूल्य १५ हजार रुपैयाँ तोकिएको छ।
मंसिर १ गते हुने उद्घाटन खेल साविक विजेता जनकपुर बोल्ट्स र काठमान्डु गोर्खाजबीच हुनेछ। सो खेल दिउँसो ४ बजे सुरू हुनेछ।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौँ । सरकारले 'जेनजी आन्दोलन' का शहीद परिवार र घाइतेहरूको पुनस्र्थापना, जीवनयापन तथा सामाजिक संरक्षणका लागि एकीकृत कार्ययोजना अघि बढाएको छ। प्रधानमन्त्री बालेन्द्र शाहले स्वीकृत गरेको यस कार्ययोजनाअनुसार अब सरकारी निकायहरूमा करारमा कर्मचारी नियुक्ति गर्दा शहीद परिवारका एक सदस्य वा घाइतेलाई योग्यता र क्षमताका आधारमा पहिलो प्राथमिकता दिइनेछ।कार्ययोजनामा शहीद परिवार
Loading brands...
